Alt går i feriemodus her i huset, men vi kom heim onsdagskveld og stilte til trening torsdag. Det var varmt og eg var meir pratesjuk enn treningssjuk...
Vi var 4 ekvipasjar som trente. Ekko fekk prøve seg på luktdiskriminering. Gjekk ganske greit, men utviklar seg for sakte. Bringkobbelmelding gjekk dårleg. Den beste treninga var nok å ligge i buret då eg hjelpte Marit og Punky. Greidde det halvveges... I pausen låg alle hundane ute. Vi skulle trene dei på å slappe av medan vi sat eit stykke borte. No lot eg Ekko ligge laus i buret. Han gjekk ut og bort til oss fleire gonger, men til slutt blei han liggande. Dette må trenast mykje på, kjenner eg. Det er jo ein fordel for ein med bilskrekk å sleppe å havne i bilen heile tida :).
I dag hadde Marit og eg ei treningsøkt. Vi hadde tenkt at den skulle vare ei stund, men så tenkte Vårherre det var på tide med skikkeleg reingjering av fylket (det plaska ned) så vi stoppa etter ei stund.
Einaste målet var bringkobbelmelding....
4 gonger frå meg til figurant som siste ledd i kjeden. Første gjekk sakte, men så oppdaga han at det førte til leik å kome til figurant. Dei to neste hadde futt og fart. På den fjerde var han for gira. No måtte han finne pinnar undervegs tilbake til meg.. Inn i bilen
I neste økt var det frå figurant til meg og tilbake. Det gjekk greit, men litt for sakte tempo. Meir iver ut til figurant enn inn til meg. Må jobbe med å få den stødigare.
Og så må eg vel kanskje begynne å sjå på måla for denne våren og planlegge hausten...
2 kommentarer:
Ecco var god i dag! Han ser ut til å trives med å trene. jeg synes farten var av det bedre:)
Lurt å trene på å ligge i buret, ja.
Syns dokker e goe så trene i sommarferien eg. Kjempebra! Eg har hatt heilt pause fra trening så og si heile ferien. Bortsett fra litt sporgåing da.
Legg inn en kommentar