I dag var det spordag i bruksgruppa. Vi var 5 ekvipasjar som delte området på Sviland mellom oss. Eg har jo ei oppleving av at Ekko er sporsikker, men at han går for fort. Altså fram med godbitar i sporet. Hadde tatt med meg GPSen for eg har lyst til å lære å bruke den i sporsamanheng òg.
Gro skulle gå eit langt spor for meg. Her skulle det vere ei sløyfe i starten og ei i slutten. Undervegs kunne hunden finne litt kyllingbitar, men det var alt. Sporet var ca 450 m. Eg gjekk eit spor for Gro. Medan eg snubla og datt nedi ymse hol, tenkte eg at det er godt det er den sporsikre Maja som skal gå her. Eit spennande spor for meg å gå. EG brukte hennear GPS medan ho gjekk med min.
Medan spora låg og godgjorde seg, prata vi og gøymde oss i bilane for regnet som kom brått og voldsomt. Rett etterpå var det finver før det brått kom ei styrtbyge til. Ekko syntes det var rart å ha besøk av matmor bak i bilen :).
Ei stund før vi skulle gå sporet, la eg eit ekstra spor til Ekko. Dette gjekk han med ein gong. Det gjekk i fint tempo og han fulgte sporet nøye, men sleit då eg gjekk på stien. Ville gå i graset ved sida av. Tok automatisk alle avhoppamine frå stien. Kan det vere alt regnet som gjorde ferten dårleg på stien?
Så var det mitt aller første GPS spor. Tenk å gå utan å vite kor eg skal?! Måtte bare stole på villbassen. Han starta fint, gjekk tydeleg litt feil, såg opp og var rett på sporet igjen. Han jobba godt. Såg at han av og til var av sporet, då var nasen opp. Mot slutten var han så skråsikekr at eg tenkte at no er han på hjortespor eller noko slikt, men nei det viste seg å vere Gro. Han kryssa rett over vegen, men forstod straks at han var blitt lurt. Gjekk tilbake til der han gjekk over og snuste langs grøfta. Og så kryssa han vegen på nytt. Til mi store glede (og sikkert hans òg) låg slutten gøymd bak eit tre der.
Eg har no lasta ned spora frå GPSen. Men det er noko rart her. Gro sitt spor sluttar mitt i skogen. Korleis greidde ho det når ho la godbitar på slutten?? Kanskje eg sletta for mykje då eg sletta ein del gamle spor som vi såg låg der. Må sjå litt nærmare på det før eg legg loggen ut.
Det var kjekt å gå spor igjen. Men så trøytt ein blir. Ekko søv og eg kjenner meg trøytt i kroppen eg òg. Men no har eg fått litt blod på tann. Skal trene meir med GPSen.
2 kommentarer:
Rart det der med sporloggen. I starten fekk eg jo opp at der var dårlig signal til GPS'en. Det kan jo være det og som gjør at loggen stoppet opp midt i skogen. På den typen GPS du har, har eg hørt at tett skog kan skape problemer med å motta signalene. Men da burde vel loggen kommet på igjen når jeg kom ut i et mer åpent område....?
Du får se nærmere på det. Synd hvis du ikke får det opp.
Vi så jo forresten på slutten av sporet etter at vi var ferdig. Så vi ikke to streker der da? Vi så jo at han hadde gått så veldig bra på slutten.
Det var iallefall veldig kjekt i dag. Må prøve å få gått litt mer spor sammen enn den ene lørdagen i måneden. Du gjorde en god jobb som sporlegger for meg i det tunge terrenget. : )
Ja, vi må prøve meir spor. Eg blei litt gira av GPSen og skal prøev om att i kveld for å sjå om eg får det til skikkeleg.
Legg inn en kommentar