lørdag 12. september 2009

Kursstart og rundering

Denne torsdagen begynte aktivitetskurset til Siddis hundeskole igjen. Arne lurte på kor langt vi var komne med grunnferdigheitene sidan sist. Eg var så fjern at eg trengte hjelp til ka det var han tenkte på. Heldigvis skriv mannen notat :).

Eg trente saman med Silje og skulle ha fokus på å gå bakover og vende mot høgre, dvs at hunden kom opp på høgre side. Dette for å lære han å gå fot på både venstre og høgre side. Ekko jobba godt. Eg starta godt. Gjekk beint til stor overrasking for tilskodarane (og litt skuffelse òg, kanskje..). Det eg fekk problem med denne gongen, var å snu meg effektivt. Eg lagde nokre ekstrasteg som gjorde hunden forvirra. Heimeleksa mi er å tørrtrene utan hund. På slutten av kvelden var det tydeleg at Ekko var trøytt for han kom seg opp på venstre side av meg ganske fort.

Gler meg til torsdagane framover. Det er mykje latter og Arne er flink til å sjå detaljar og tar oss på fersken.

I dag har det vore rundering på Sviland. Vi var 6 ekvipasjar. Det var sol og det var regn. 5 av ekvipasjane ville vere i valpeskogen. Ekko og eg tok løypa der vegen var midtlina. Eg var spent på koss det ville gå med Ekko. Han er ikkje heilt pigg enno og er prega av at han går på kraftig pencillin, Kari og Gro Anita var figurantar. Gro på midtlina.

Først tok vi ei klapperekke. Stiller han opp mot figurant 2. Ekko er klar til å springe, men blir halden tilbake. Vi går tilbake til der figurant 1 skal vere ein stad i skogen. Ekko høyrer eit klapp her òg. No vil han i alle fall avgarde, men blir geleida mot bilen. Nede på parkeringsplassen snur vi, går tilbake til der vi stod då klappet frå figurant 1 kom. Nå var ikkje hunden vanskeleg å be. Straks kommandoen "runder" kom, sprang han ut i eit vanskeleg terreng. Då figurant 1 fekk melding om å bli passiv, kom Ekko i full fart og kryssa linja fint over til figurant 2. Den gjorde det same og Ekko hadde fin framdrift i neste kryssing òg. På tredje kryssing kjem han inn på midtlina litt for langt nede. Det kan vere på grunn av at terrenget er svært vanskeleg (tett skog, myr, store hol), men eg vel på dei neste å rope når han er på veg inn slik at han får framdrift.

På eit av slaga slit han med å finne Kari, kjem nesten tilbake, men er tydeleg i arbeid. Finn henne. På eit slag krysser han fint, men akkurat då han krysser kjem det ein mann med hund. Og då stopper jo Ekko og blir opphengt i det. Heldigvis løyste det seg greit og han kunne fortsetje.

Gro gjorde ein kjempejobb på midtlina, Gro Anita hadde ein spesielt utfordrande jobb med å kome seg framover i eit vanskeleg terreng. Ho løyste det med glans. Kari måtte stadig vandre frå den eine sida til den andre sida av elva, noko ho tok med eit smil. Ekko har nok fått inn at figurantar skal ligge lengre ute så vi såg fleire slag der han sprang forbi for så å snu. Han kommer inn mot midtlina straks figurant blir passiv. Kjempebra. Det var ingen systematikk i at han sprang baksporet tilbake, verka heller som ei praktisk løysing i terrenget av og til. Men det er eg ikkje sikker på, så det må eg følge med på framover.

Etter pausen gjekk dei andre heim. Gro og eg ville gå spor. Eg trengte å trene på bruk av GPS i tillegg. Vi la ut spora for kvarandre. Det er spennande å gå eit spor som ikkje er merka. Det einaste svaret du har på at du har gått rett veg, er at hunden finn sluttpremien. I dag gjekk Ekko med nasen vel høgt syntes eg. Var stadig usikker på om han gjekk feil. Men kunen eg rette han opp? Nei, eg visst jo ikkje kor vi skulle. Måtte bare stole på den firbeinte. Midt inni skogen forsvinn satelittkontakten så eg er usikker på om GPS tar opp sporet mitt. Vi gjekk i alle fall litt feil på slutten, men Ekko tok baksporet og fann premien.
Nasen var meir i bakken då vi kom inn i skogen. Var ferten meir konsentrert der? Gro syntes Maja og hadde gått med nasen høgt. Kanskje det at sporet er ferskt gjer at luktene ligg høgt oppe?

No søv Ekko som ein arbeidskar så det har tydeleg vore ein arbeidsdag for han.

5 kommentarer:

Gro sa...

Håper du har fått frem sporloggene dine. Trøttanes at tett skog gjør at GPS'en mister signalet. Du får ønske deg en ny til jul. : )

Ellers tror jeg nok det kan stemme det med høy nese og mye/høyt gress og helt ferske spor gjør at de går lenger opp med nesa.

Aud Venke sa...

Eg fekk fram sporloggen. Det ser ut til at Ekko (eller eg)har gått litt ved sida av sporet, men fulgt det. Så det kan vere ferten soms prer seg. Litt rot på slutten, men det såg eg jo. Dette er kjekt Gro, så eg satsar på at vi får til GPS spor ofte. Så skal eg nok lære meg å legge det inn på PCen òg.

Gro sa...

Så flott. Ja, det er kjekt. : ) Ikke uvanlig at de går noe sekundært på så ferske spor.
Jeg kan prøve å få vist deg det med hvordan legge det inn på maskinen en gang det passer.

Marit sa...

Så flink Ecco har blitt! Enda han er syk:( Det står vel en eier bak og motiverer skikkelig vil jeg tro. Jeg er ganske misunnelig på dere som attpåtil har det sosialt på torsdager hos Arne. Sukk... dt blir vel vår tur en dag!

Aud Venke sa...

Ja, du går glipp av noko der, Marit. Latteren sat laust.