Vi trener og vi trener

Nå må eg snart setje meg ned og oppsummere halvåret. Har vi kome vidare, eller er vi stilleståande? Kjem tilbake til det.

I går orka eg ikkje å gå lengre tur med Ekko så eg kjørte ut til området til klubben og tenkte at hjernen skulle få arbeide litt. Først var det apportering. Det gjekk fint. Han kom inn med alt. Men eg ville ha fart så premien var ei leike. Den kom han ikkje inn med! Her har eg ei utfordring.

Vi hadde ei lengre økt der eg gjekk fort, klikka og kasta godbit bakover kvar gong nasen hans stakk fram akkurat der eg vil ha den på fri ved foten. Dette var tydeleg kjekt for tempoet hans var høgt. Først fram så finne godbit så fram igjen.

Ei økt var med snutetarget på musematte. Dette var lenge sidan og han hadde altfor mange forsøk med å bite. Må nok ta den øvinga om igjen oftare.

Siste økt var å hoppe over alle tre hindera utan å kome innom meg. Mange feilmeldingar, men til slutt gjekk det. Eg måtte bruke target på fingeren og ha handa så langt ute at han hoppa etter den. Då tok han alle tre hinder i eitt.

Det er tydeleg at intens trening tar på hjernen for resten av dagen hadde han få behov.
----
I dag har vi vore på trening på OD. Folk kjem tidleg for pratestunda er viktig. Veldig kjekt! Vi reiste ned ekstra tidleg for Ekko trengte ein luftetur. Akkurat då vi kom, kom òg Elisabeth og Faya. Dermed fekk vi triveleg luftetur saman med dei.
Ikveld trente eg saman med Gro.

Innkalling
Det har vore litt lite innkallingstrening i det siste, og Ekko er blitt sløv i forhold til fløyta. Det vil eg friske opp. Gro såg til at Ekko var i ro medan eg gjekk eit stykke vekk. I følge henne stod han og trippa for å kome avgarde. Og farten på hunden som kom i mot meg, er det ingenting å klage på. Kjempebra. Vi hadde tre repetisjonar og alle tre var svært gode. Vi hadde ingen som frista langs vegen. Det får kome litt seinare. No vil eg bare ha margrefleksen fram.

Apportering
I går gjekk eg med Ekko ut i terrenget, fekk han til å setje seg, gjekk frå han medan eg la igjen ein gjenstand. Han sprang, plukk aopp gjenstanden og kom inn. No skulle Gro stå ute emd han, sleppe gjenstanden og han skulle kome inn til meg. Det var merkelege greier syns Ekko. Han sat og sat. Lydig hund. Eg måtte til slutt gje kommandoen "apport" for å få han til å gjere noko. Han henta då opp gjenstanden og kom inn. Det var liten fart i oppgåveløysinga. Hadde fleire forsøk. Han hadde nokre der han gjekk og sette seg i utgangsstilling ( litt langt framfor meg) og nokre der han leverte i handa. Eg må jobbe med farten her. I går brukte eg leike som premie og då var det meir fart. Lurer på om eg ikkje bør gjere det framover?

Utgangsstilling
Ekko kjem inn til meg utan klossen no, men han har ikkje heilt kontrollen når han sit. Kan med fordel arbeidast vidare med. Hadde òg nokre forsøk med bakpartskontroll og sit inntil vegg. Det går fint, men straks eg kjem bort frå veggen... ja, ja. Eg må bare trene og tvinge meg sjøl tilå kutte ut all hjelpa eg gjev han...

Og kvelden blei avslutta med ein kort tur, så no har han lagt seg for natta.