onsdag 23. januar 2008

Treningstips?

Eg sit og tenkjer på kva som er neste steg i treninga på kjekkasen. Medan eg tenkte, fann eg ein artikkel om 15 reglar for effektiv klikkartrening av Morgan Spector. Den var frå 2005, men gjeld vel enno. Ein av reglane var: TENK, PLANLEGG OG GJØR DET. Ja, det er sikkert fornuftig og eg har jo kome litt i gang ved å skrive både tankane før eg begynner og oppsummering etterpå. Men her skulle det tydeleg vere plan for kvar økt. Har ein veg å gå der.....

Ein annan god regel var å ta opp treningsøktene på video. Han trener nok sjeldan i Noreg på vinteren for det er lite som ville ha kome fram i mørkret på Sola. Men det var kanskje ein god idé å ta med videokamera når det byrjar å lysne. Alle gode idrettsfolk studerer jo i ettertid kva som var smart og dumt etter at jobben er gjort. Ikkje før hadde eg tenkt tanken så såg eg at Fanny Gott hadde lagt ut ein liten filmsnutt der ho er på tidleg stadium i trening av kvelpen Pi, 7mnd. Vi får sjå litt fri ved fot, stå når førar går baklengs, og til slutt signalkontroll. Du finn den her. Ser jo det smarte i å filme seg for eg reknar med at Fanny heller ikkje var strålande nøgd med alt og ser ka ho skal arbeide vidare med. Eg fann òg gode tips :-). Td. så kjekt det såg ut med premien å få hoppe og sprette etter at jobben var gjort.

10. september 2007 trente Faya og Elisabeth fri ved fot. Det er den einaste treninga eg har filma. Nå Elisabeth - har de blitt betre? Eg tar nytt opptak når det byrjar å lysne, men i mellomtida får vi kose oss med denne vesle snutten.

1 kommentar:

Anonym sa...

Ja det va ein vidoe fra gamledager. Ja fra den gong når eg var litt yngre og blond. Eg får nå i hvertfall for mi skyld håpa et eg har blitt bedre å gå. For ska eg fortsetta så, så komme eg te å ende opp med ødelagt nakke. :-) Ser jo det at masse kan fiksas på ja :-)

Kjekt du føle deg litt bedre.