onsdag 27. mai 2009

Pia er rar

I dag var eg på tur rundt Mosvatnet med Pia og matmødrene våre sjølsagt (dei vil alltid vere med, trur dei liker å gå i band).

Og eg må seie at eg stadig vekk lurer på ho der Pia. Kjenner eg blir veldig fasinert av henne. Då matmor sa vi måtte skunde oss for Pia venta, sprang eg nesten, sånn gleda eg meg. Men så kan ein jo lure på ka det er eg gler meg til, for det første Pia gjer, er å kjefte på meg. Men eg trur ho gjer det i kjærleik, trur ikkje du det?

Når vi går tur, vil ho lukte der eg luktar og tisse der eg tisser. Ja, eg gjer det same med henne, altså. Det er veldig kjekt.

Men så kjem det raraste: På vegen rundt vatnet, er det ei bru over Madlavegen. Eg skjønte ingenting der eg gjekk og sikta meg inn på eit par ender eg kunne tenkt meg å erte litt. Men brått stod alle stille. Pia hadde sett seg ned og nekta å gå vidare. Ka var vitsen, tenkte eg. Det er jo langt til bilen. Men veit du ka ho skulle? Jo, gå over den brua. Heilt idiotisk for vi måtte gå tilbake òg. Og skikkeleg for å bekrefte at ho rar så går ho med breie bein og kikker ned gjennom hola i brua. Ho ser jo nesten redd ut. Anten så gjer ho det for då får ho ekstra mange godbitar, eller så er det fordi det er for lite spenning i kvardagen hennar eller så er ho rett og slett litt sprø.... Veit ikkje ka eg skal tru, eg.

Resten av turen var ho ganske normal. Måtte bare bjeffe på ein dum hund og jage opp ein fugl.

Men for det om du er rar, Pia, så liker eg deg veldig godt!

Smask frå Ekko

mandag 25. mai 2009

Burtrening

Tida går så altfor fort. Vi har vore i Bergen på ferie og Ekko ville som alltid ikkje heim. Toppen av lukke er visst å vere der. Han nektar faktisk å gå ut når eg pakkar i bilen. Eg kan visst bare dra min veg...

Men vi kom oss i alle fall heim og i dag var det trening på området. Sist trente eg på at han skulle ligge på teppet, i dag hadde eg med tøyburet. Han sprang villig inn i buret og låg på plassen sin medan eg lokka med "kom", "Ekko" leiker osv. Diverre drog eg strikken for langt, eg stengde døra. Etter det var det å starte på botn igjen. Han ville ikkje inn i buret. Fekk han til slutt inn og då slutta eg av.
Mesteparten av tida trente eg på buret med litt "på plass", tunnel, fri ved foten som uteoppgåvene. På slutten fekk han springe fritt saman med Faya på nederste del av området.

Ekko jobba godt i dag. Eg skulle bare ha stoppa i tide. Men på an igjen.

mandag 18. mai 2009

Ligg på teppet, musematte, target, spor med graspause

Treninga på området i dag blei ei fin økt med litt forskjellig. Eg starta med å legge to pølsespor. Det eine med enkeltbitar ganske jamnt. Det andre med godbitdepot. Desse fekk ligge 1 1/2 time.

I mellomtida hadde eg Ekko ute heile tida. Sidan det er så negativt å gå i buret, tok eg eit handkle og la ut. Dette fekk eg han til å gå og legge seg på. Til å vere første gongen fungerte det ganske bra. Kjørte ein del på fri-signal og leik.

I tillegg trente vi på musematta. Han fekk etterkvart ganske bra fart mot matta, me blei fort opphengt i å spise gras. Ei lita økt med target blei det òg. Får han ikkje til å snurre rundt, men han følgjer targeten fint. Problemet er at han flytter heile kroppen i staden for å vri seg når han skal følge targeten. Må finne på noko lurt der.

Til slutt gjekk vi spora. Det første fulgte han fint alle luresvingane mine, men han gadd lite å spise pølsene. Tempoet var fint. På det andre holdt han òg fint tempo og stoppa ved godbitdepota. Opplevde dei meir positive enn pølsebit i sporet. Rett før slutten av spor to, måtte han igjen ete gras. Stoppa lenge og åt. Eg bestemte meg for å stå nøytralt å sjå på. Var nysgjerrig på om han hugse jobben sin etter avbrotet. Og jammen fortsette han som ingenting då han var ferdig å ete. Rar hund. Godt jobba i sporet. Vil ha slik eit tempo framover....

lørdag 16. mai 2009

Kondisen kunne visst vore betre..

I dag har vi rundert. Det blei litt spesielt for alle hadde gløymt walkiane. Ikkje lett å gje kvarandre beskjed når vinden tek stemmen i tillegg.
Ekko har ikkje fått den beste trimmen dei siste vekene og det viste ganske fort. Han var ivrig på første slag, kom fint inn, passerte og sprang 5-6 meter mot neste post. Men då blei det stopp. Vi fekk han inn og Marit ringte til Jan Inge som var figurant, for å få han til å lage ein lyd. Då sprang han fint ut. Kom fint inn igjen på innkallinga. var vanskeleg å få ut igjen. Det var slik han holdt på heile tida. han verka trøytt og blei ofte ståande ute i løypa og snuse. Han sprang ikkje før han var sikker på lukta.

Konklusjonen etter dagen: Kondisen må opp, eg må få han til å drikke mykje før vi dreg. Det positive: Han reagerer på innkallinga fort, han gjev ikkje opp, tek bare lengre tid.

torsdag 14. mai 2009

Litt agility

I kveld har vi trent agility. Det var veldig kjekt. Gro hadde laga eit stiligt hinder og ring til å hoppe gjennom (ho viste rett og slett nokre Reodor Felgen trekkk...). Eg hadde med hinderet mitto og to tunnelar. I tillegg hadde Gro pinnar til slalom. Då flytta vi alt opp mot grasområdet på OD og storkoste oss. Era, Pia, Maja og Ekko fekk prøvd seg på alt og blei ganske så flinke til å vere i startfasen ;)

Ekko tar hinder veldig enkelt. Dei to tunnelane var kjempekjekke å springe i. Det same var ringen. Vi prøvde på slalom for første gong på skikkeleg. Det gjekk veldig bra.

Rett og slett ein triveleg kveld der fleire av hundane fekk vere ute og ligge i ro i nærleiken av kvarandre og vente når det var pausetid. Det greidde dei fint.

Elles har det vore ei laber treningsveke. Eg er så forkjøla at eg så vidt orkar å gå tur. Men vi har hatt tur rundt Mosvatnet med gjengen. Då blei Pia så glad for å sjå Ekko at ho blei litt voldsom. Ekko reagerte perfekt. Snudde heile sida til og hovudet vekk. Eg blei litt mållaus. Ho fekk etterkvart namnet "flink bitch". Ekko blei "Beistet". Det var etter at vi møtte ei eg kjenner som sist hadde sett han som søt kvelp.... Vi grubla lenge på ka Era skulle heite, men hamna vel på "Beauty". Bitchy, Beistet og Beauty på tur!

Torhild og eg gjekk treningtur rundt vatnet ein kveld. Vi stoppa på alle opne område og trente snurring, touch osv. Ganske lærerikt å halde på fokuset deira medan det kom syklar, folk, hunar osv forbi. Ein kjekk tur.

tirsdag 5. mai 2009

Endeleg ei bok om rundering!


I lang tid har eg hørt rykte om at det var ei runderingsbok på gang, og ENDELEG kjem den. Satsar på at ho blir like god som "bibelen". Vil du forhåndsbestille? Klikk på bilete av boka. Det har eg gjort.


Og så er Arne blitt medlem av Canis sitt ekspertpanel! Kjempebra!

søndag 3. mai 2009

Altfor travelt

Vi er i live, men det har vore så mykje som ikkje har hatt med hund å gjere i dei siste vekene. Ekko har vore på kennel og skulle hentast av andre enn meg. Gjett kven som nekta å gå inn i annan bil? Akkurat. Då ville han heller tilbake til kennelen. Heldigvis kom eg like etterpå og fekk han inn i bilen min.

I helga var vi på besøk og Ekko fekk helse på ei jente på 17 månader. Ho var redd hund og spesielt store hundar. Heldigvis syntes faren at det var noko prinsessa måtte gjere noko med. Så ut på plenen med oss alle. Først leika eg med Ekko og ballen. Ekko ivrig og vill. Etterkvart syns prinsessa dette var spennande og kom seg ut på plenen. Først på far sin arm, så tett inntil han og etterkvart kunne ho gå tett forbi Ekko og seie "vovvov". Ekko var kjempeflink i leiken med henne. Låg og venta. Tok forsiktig ballen ho kasta og dytta den mot henne igjen. Og ho blei tøffare og tøffare. Hundemorhjarta mitt var veldig stolt av han som greidde å få jenta mindre redd store, svarte hundar.

Eg har så vidt hatt tid til å sjekke ein blogg og to i kveld. Og der ser eg jammen at Scotty og Faya gjorde det kjempebra på utstlling i helga! Gratulera!!

Vi har ikkje trent på lang tid, men satsar på å kome i gang i veka som kjem ;). Kryssar fingrane for det.