Retrieverar av alle slag...

Som eg skreiv i forrige blogg så instruerar eg på runderingskurset til Retrieverklubben. Det er ei morsom oppleving med spreke retrievarar av ulike rasar ;-). Det er så spennande å sjå kor lett dei tek utfordringa og kor flinke hundane er. I går var det enkeltslag og trening med apport som var tema. Her er nokre av dei flotte deltakarane. No satsar vi på at vi får fleire ivrige medlem i bruksgruppa vår. Kanskje vi etterkvart kan få ei gruppe som arbeider med fleire område innan bruks?
Og eit lite PS - takk til Anne Lise, Torhild og Silje som var på OD framleis då eg kom i går kveld. Både Ekko og eg var glad vi fekk avslutte kvelden med ein tur saman med trivelege tobeinte og firbeinte.

Det blir lite trening på oss.

Denne veka får Ekko lite trening, mens eg arbeider med hund heile tida. Stakkars han!

Måndag var eg medansvarleg for runderingskurskveld i retrieverklubben. Veldig kjekt og flinke hundar. Satsar på at noen av desse heng seg på brukshundgruppa etterkvart. Blir ny runde på torsdag.

I kveld har Ekko og eg vore figurantar på Siddis hundeskole sitt problemhund-kurs. Ekko er ein tolmodig og roleg figurant. Nokre av hundane var veldig nære til tider. Kjenner det er kaldt når sola forsvinn og eg må seie eg er imponert over Ekko som går att og fram på asfalten i 2,5 timar.

I morgon er det igjen eg som skal lære om å instruere hund. Eg går i beina på Arne på kvardagslydnadskurs.

Torsdag er det igjen runderingskurset og så satsar eg på å rekke litt trening på OD (ver litt seine før de dreg heim......).

Så altså stakkars Ekko. Det er godt han og Kvakki forstår kvarandre. Eg får seie at denne veka har eg trent på sosialisering, bilburet og ro.

Ja, forresten, bilete er jo ein av Marit og Jan Inge sin kvelpar. Oskar og eg var der forrige fredag. Kjempesøte! Det var rett før vi lurte med oss ein heim.

Kva for ein hund er du?

SVT har ein liten, morsom test. Ka for ein hund er du? Eg blei engelsk bulldog. Nå kan du jo sjekke ka du blir - eg tar gjerne i mot resultatet ;-). Her er linken.

Instruktørhelg

Så var det ny arbeidshelg igjen....

I går var eg så trøytt at eg så vidt orka å trene Ekko. Tilbakemeldingane eg fekk, forsvann inn i alt bomullet som var i hovudet mitt.

Teorien var spennande. Meir om ulv, ulv/hund og hundespråk. Eg måtte ha ei førelesing om curlyen. Elisabeth instruerte i "spring vekk". Det var veldig kjekt. Vi fekk til og med brukt det i praksis for "Aron" (kvit gjetarhund) kom springande mot oss og Ekko og eg var heilt i giret på spring vekk så det gjekk så det suste.

Både i går og i dag trente Christin, Elisabeth og eg saman. Vi skulle vise framgang på øvinga vi hadde hatt sist kurshelg (det låg lagt bak i hjernen...). Christin: Bakpartskontroll, Elisabeth: kjappe dekk og eg avlevering av godbitar ved lineføring.
Eg strevde med oppgåva mi på laurdagen. Ikkje premierte eg fint nok, Ekko såg ned, eg gjekk for seint osv. konkluderte med at hund og eigar ikkje hadde fokus.

I dag var det betre. Eg fekk oppfarten (etter påminning), greidde å avlevere godbit fint og då vi skulle finpusse på at Ekko såg altfor mykje ein annan veg, fiksa han det på ein to tre.

Elisabeth skulle ha raske dekk, men måtte kutte ut kommandoen. Då tenkte Faya lenge... I dag hadde Arne med stoppeklokke og konkurransedyret Faya slo til. Etterkvart kom dekkane ganske så kjapt. På kort tid gjekk det frå sakte (med ekstra fotbevegelse) til rett ned.

Først ein forsiktig.., Så ka syns du om denne, mor?
Denne då?





Ser du meg, Christin? Eg kan sitje Bamse. Lacy syns ikkje det var vits med pausar. Ho tilbaud all slags då.

Christin ville i andre økta prøve å få Lacy til å bevege på bakbeina. Til dette prøvde ho targetstick. Dette er starten. Kanskje Lacy til slutt klatra med bakbeina opp på veggen? Vi minna henne om at Canis hadde ei slik utfordring for eit nummer eller to sidan.


I siste økta trente eg med Annett og den skjønne kvelpen, Kalo. Ho var så ivrig på musematte-treninga at det var ein fryd. Vi prøvde òg targetstick. Den trengte ho litt lenger tid på.

Ekko storkoste seg då eg lot han få prøve seg på target med musematte og targetstick. Med musematta på stubben var det frambeina som skulle opp. Her kom snute og begge frambeina. Heilt topp så sjå iveren då vi flytta frå asfalten til stubben.

Med targetsticken fekk eg han opp på stubben, til å sitje og til å hoppe ned. Kjempekjekt å sjå han hoppe opp for å touche targeten.

Det eg syns var vanskeleg denne helga (i tillegg til å ha bomull i hovudet), er å instruere og veilede andre. Dei kan jo så mykje så ka skal eg seie? Må trene på dei andre på torsdag trur eg.... Så bare pass dykk!

Eg er hekta....

Eg er hekta på klossen. Veit ikkje kvifor, men eg må bare stå på den. Blir heilt i hundre når matmor legg den på golvet. Det er SÅÅÅÅÅÅ kjekt å trene med den.

I dag har eg flytta bakbeina i full fart inntil matmor. Men så fekk eg ikkje godbit. Ka var det? Eg grein og trødde henne på foten (ho hadde ikkje sko he, he), men hjelpte det? Nei. Blei så sur at eg sette meg. Og vips der kom det godbitar og mykje godord. Rare greier. Det skjedde om igjen og om igjen. Eg er framleis litt usikker på om eg skal sette meg eller om det er like greit å stå. Syns eg kunne fått kost meg litt med reserfart med bakbeina, dunke i foten til matmor og så godbit. Det er jo superkjekt.

Men trur du ho har sansen for sånt. Nei, ho fekk det for seg at eg skulle gjere eit eller anna eit stykke frå klossen. Då sa eg stopp. Eg stilte meg opp på klossen. Her skal det jobbast, ikkje slik tull og tøys, takk! Eg fekk viljen min mot at ho fekk eit par superflotte på plass utan klossen (ho sa ikkje kommandoen, men eg skjønte jo at her kunne eg kanskje innkassere ein godbit eller to sidan ho bare stod der rett opp og ned).

I kveld har eg spist ei heil pølse. Måtte jobbe for den, men det var gjer ingenting. Matmor hadde pakka pølsebitar inn i matpapir og gøymt dei rundt ikring. Måtte leite voldsomt så nå må eg kvile.

Ein sleik frå Ekko

Nå er det haust

I dag var det ikkje vind på Sola. Utruleg. Men det var haust i lufta i staden. Faktisk litt kaldt å sitte på stolen... Og eg må nok tenkje på å ha meir klede på meg neste gong.

Vi var 5 tobeinte og 5 firbeinte.

I dag var målet:

1. Håndtering
2. Klossen. Her skulle han kome heilt inn til meg utan å nøle.
3. Veggen. Vi skal stå 180 grader frå veggen og snu oss slik at han set seg inn til veggen.
4. Lineføring

Eg arbeidde saman med Anne Lise og Elisabeth.

Håndtering. I første økt blei hundane håndtert. Vi starta med tannvisning og gjekk vidare til at dei blei tatt på. et gjekk veldig fint. Men vi kan nok vere hardare i håndteringa.

Faya skulle arbeide med fri ved foten i ulikt tempo og pangdekk. Scotty trengte fokus og ro.

Utgangsstilling/klossen. Ekko elskar klossen. Han blir heilt gira når han skal stå på den. Og jammen hadde han sove godt og tenkt glupe tankar for det var bare å stille seg opp så var han tett inntil meg. Så målet for dagen på klossen var nådd før eg fekk tenkt meg om. Då prøvde vi med å vente å sjå om det kom eit sitt. Det blei frustrerande. Eg må innrømme at det kom litt hjelp frå meg. Den må vi øve på her heime. Eg vil jo beholde så tette sitt som det eg fekk på å stå inntil.

Utgangsstilling/veggen. Første runde var rar. Han forstod ikkje ka han skulle, ville bare leike. Han hadde tatt med seg Kvakki ut og den forstyrra tankane voldsomt. Elisabeth prøvde å dytte han inn til veggen. Det var visst ikkje slik Ekko ville ha det i livet så då var det ein som hoppa på matmor og sette seg så det suste bare han fekk vere ved sida av meg ;-). Etter fleire fine sitt hamna han i bilen. Vi kom aldri så langt som det eg hadde tenkt. Får nok ha det målet til neste veke.

Etter dette tok vi ein pause. Det hadde vore intens for fleire av oss og hundane i gruppa mi strevde med konsentrasjonen (til og med Faya). Av og til er det godt å ha dei andre til å snakke om treningsfrustrasjon med. Det kjem gode råd og ein del latter som hjelper.

I dag har vi vel konkludert med at Ekko er og forblir kvelp om han er aldri så stor. Han hopper og spretter som ein kvelp. Han må ha med seg kosedyr i buret og går rundt og viser kosedyra sine til andre. Kvakkien som hadde budd i Bergen sidan mai, måtte til dømes ligge i senga hans i fleire dagar.

Åtferd. Lufteturen i dag var med ein gira hund. Han skulle anten gå perfekt å få premie heile tida eller leike med bandet. Og på grusbanen skulle han leike. Dermed basta. ( Kor var Pia - ho er jo like gira akkurat der...) Faya fekk snuse på han, det same fekk Era. Dei to stod til og med og snuste på same grasstrå utan at det såg ut til å bry dei. Like kjekt kvar gong når eg ser at snutane er rett ved sida av kvarandre og kroppen er heilt roleg.

Lineføring. Det blei det ikkje tid til i dag.

---

Når det gjeld treninga og målfokus generelt, ser er at eg må jobbe heile tida. Det er så lett å miste fokus og kaste seg på det dei andre trener på.

Her er ein filmsnutt av Elisabeth og Faya. Elisabeth ville sjå kva som er galt og rett under fri ved foten. Eg ser mykje bra, men òg saker og ting som må arbeidast med. Dei har kome langt og det er herleg å sjå kor ivrig Faya er etter å jobbe.

Brukstrening

Denne laurdagen var det spor og runderingstrening på Ekko.

Spor
Eg hadde litt lita tid så eg la eit langt spor straks eg kom opp til Sviland. Bestemte meg at han skulle få gå det medan det var ferskt. Eg la karbonadebitar i ein del av sporet og ein stor premie på slutten. Grunnen til at eg la mat i sporet, var at han i det siste har hatt det vel travelt fram til målet. Tenkte godbitane skulle gjere at han senka tempo. Det såg strålande ut i starten, då gjekk han roleg og tok seg tid til godbitane. Men så var det som om sjølve sporet blei mykje viktigare enn godbitane. Farten auka og godbitane var ikkje alltid like viktige. Sjølve sporet gjekk han kjempebra. Eg greidde ikkje å lure han ein einaste gong ;-).

Rundering.
Målet mitt denne hausten er å få bringkobbelmeldingen på plass. Det har eg ikkje fåt begynt på ennå....
Sist vi runderte, trengte Ekko tid før han kobla ka han skulle gjere. Eg bestemte meg difor at det blei flying i dag òg. Kanskje med enkeltslag i siste økt (det blei det ikkje noko av). Denne gongen kobla han flott. Drivet framover var godt. Han kryssa nær meg og holdt eit strålande tempo. I første runde hjå Kari DM tok han med seg leika over til Gro. Eg lot det skje for han holdt flyten direkte til Gro og der blei den lagt igjen.

Nå må eg bare få begynt skikkeleg på meldingstreninga for han er eigentleg veldig klar for steget vidare.

Det gode med å pese han ut i dag, var jo at huset var fullt av gjester og han skulle vere aleine heime i mange timar på kvelden....

Atferdstrening
Seinare på dagen gjekk eg tur med Ekko. Brått kom det ein Cavalier ut av buskane. Den var flink i helsinga si og fekk lukte på Ekko. Ekko oppførte seg eksemplarisk.
I helsinga på gjester og når det ringer på døra, er han framleis vill, men landar fort (særleg på gjester som kjem inn - dørklokka er verre).

Litt om læring

Eg sit og arbeider med leksene til neste kurshelg på instruktørkurset. Då blir det jo litt repetisjon frå sist økt. Mellom anna arbeidde vi med læring. Og medan eg las, tenkte eg at dette er noko for gjengen, så her kjem litt visdom frå Siddis hundeskole:

LÆRINGSNIVÅER:

"Klikkerklok"

- kan tilby åtferder spontant, kan skifte mellom åtferder og leite etter nye måtar å få klikket

"Repetisjonsklok"

- hunden repeterer åtferd som det blir klikka for og skiftar enkelt mellom åtferder i same treningsøkt.

"Signalklok"

- hunden kan vente på signal før den utfører ei åtferd.

"Feil-klok"

- Skifter åtferd med ein gong den får "feilmelding"

"Target-klok"

- kan enkelt target på nye objekter.

- kan target med fleire kroppsdelar

- beherkse targetoverføring

"Kjede-klok"

- hunden kjenner igjen ein kjedeprosess og tillet trenaren å gå hurtig gjennom kjedinga.

Ein hund med desse ferdigheitene vil raskt kunne gå gjennom ein læringsprosess. Den vil ha større potensiale for læring enn andre hundar.

---

Og no gjorde du vel som meg, tenkte: Kor er hunden min i dette? Ikkje dumt spørsmål.

Litt til for oss som har bestemt oss for å trene meir målmedvite:

Problemløysarens 4 punkt (som blei fem i løpet av forelesinga):

1. Timing. Ka er det du forsterkar?
2. Kriterier. Går det bra, auk vanskegraden. Går det dårleg, senk krava
3. Forsterkningsfrekvens. Kor ofte får du forsterka? Senk/ auk krava (jmf punkt 2 og 4)
4. Forsterkningskvalitet. Kor intens er hunden i jobbsituasjonen?
5. Trenaren(eigaren) må vere fokusert!

bilen-klossen-veggen-avlevering av godbit-tur

Lang biltur heim. Gruer meg i blant til å ta Ekko ut av bilen mens eg ventar på ferjene, for han kan slå seg vrang når han skal inn. Men i dag har han vist seg frå godsida. Han liker ikkje å gå bort til bilen, men hopper greit inni buret. Så kanskje det er strekket bort til bilen som må arbeidast med nå.

Så var det treninga.
Vi var flinke i dag òg. Folk kom tidleg for å skravle slik at vi fekk begynt å trene i rett tid. Vi hadde til og med tenkt gjennom ka vi ville trene på.

Torhild og eg jobba saman sidan begge skulle halde på med det som etterkvart blir ein perfekt utgangsstilling ;-). Først var det klossen. Nå har Ekko begynt å ta teikninga. Han kjem nærmare og nærmare. Sidan han er så lang, vil eg nok trenge litt hjelp til å kontrollere om bakparten er skikkeleg inntil. Eg kjenner at framparten er det, men så var det der bak.... Kjekt når det løysna.
Eg hadde to økter på klossen. Ekko greidde seg godt, men skal nok ha nokre økter til før eg seier at dette er i boks.

Neste arbeidsområde var sitt inntil vegg. Her gjekk Torhild bak og sjekka at han sat beint. Det gjekk veldig fint, men straks veggen var borte, kom skeive sitt. Så her trengs det bakpartskontroll og forståelse for ka utgangsstilling er. Men sidan dei skal bli perfekte, må eg nok fortsetje ei stund med denne. Her hadde eg òg to økter.

Tredje område var mest trening av matmor. Leksa mi var å premiere Ekko medan vi går fri ved fot. Måten eg premierer på, gjer at han stadig set bakparten rett ut. Dermed var det å vandre langs ei bein linje. Det viktigste her var ikkje at hunden gjekk nære, men at han gjekk beint og at eg greidde å premiere slik at han var i rett stilling. Det gjekk faktisk ganske bra når eg var kjapp med premien. Den må ikkje vere i venstre lomme og den må leverast frå venstre side. Ganske utfordrande for meg. Torhild passa på. Eg fekk skryt, men ingen godbitar....

Siste økt var tur. Ekko begynner å bli ganske så trygg på denne gjengen. Sander inviterte til leik og då var Ekko klar. Men så var dei i band og Ekko greidde å ta seg inn og ta kontakt med meg. Kjempebra!

Litt meir skryt. Han har gått frivillig inn i buret i heile dag. Premien er ein godbit med leverpostei på. Det var visst topp. Det er bare strekket mot bilen som var tung, jmfr det som står i første avsnitt.

Nå ligg eleven min og snorkar i sakkosenga si. Trur han sakna den på ferien. Eg registrerte at han la seg under spisebordet og salongbordet stadig vekk der vi var (det er umuleg her heime), men om natta måtte han ligge på eit teppe midt på golvet på det rommet vi hadde. Han var uroleg syns eg. Etter to netter (eg er litt treig av meg), tenkte eg at eg jo kunne prøve reiseburet (stoffburet) på soverommet. Eg la teppene inni buret og sette det klart. Då vi la oss, tenkte eg at han kunne velge sjølv kor han ville sove. Første natta gjekk han rett i buret og sov som ein stein heile natta. Neste natt starta han utanfor, men ut på natta hadde han lagt seg inni. Det var tydeleg at det var godt meg ei hule å sove i.

Eg trur eg har gjort eit lite gjennombrot

Eg er på ferie. Vi kjørte lenge og vel. Trur matmor blei litt hekta på at ho slapp å vente på ferjene, så eg fekk ingen av dei pausane ho hadde lova meg. Var litt sur på henne for det. Men då vi parkerte ved huset til dei kjekkaste tobeinte venene eg har, blei eg heilt vill i buret. Jippi! Nå skulle det bli kos og fest! Sidan eg var så tissetrengt, sa eg ja til ein tur. Men eg nekta å gå langt. Trass alt var tenåringen igjen i huset. Eg kunne ikkje gå frå han når eg nettopp hadde kome. Mor lo då eg protesterte i eit vegkryss, og så gjekk vi rett til huset igjen.

Så her er eg og nyt livet. Det er sol, eg har ein liten hage, gamle Kvakkien har eg funne igjen og stadig er det nokon som vil kose med meg. Tenkte eg skulle gjere nytte for meg og ruske opp i alle den mosen som var i plenen, men forstår dei tobeinte seg på sånt? Eg som kom springande inne på kjøkken direkte frå gravinga, for å fortelje kor flink eg har vore. Som takk skulle eg liksom sette labbane i ei bøtte med vatn. Hallo! Eg er jo ikkje vaskefille! Eg forhandla meg fram til fotvask med fille og håndklede.

Vi har gått gode turar i terreng med SPENNANDE lukter. Trur matmor blei ganske frustrert ein gong eg bare måtte sjekke ut lukta. Var visst vått der.....

Nå ligg eg sjeldan på latsida sjølv om det er ferie. Prøver å få matmor opp kl 0530. Skjønar ikkje at ho kan ligge der og snorke når huset er fullt av menneske som sikkert snart skal stå opp. Eg må jo vere ferdig lufta og klar for å ønske dei andre velkomne til ein ny flott dag.
Så prøver eg å få henne i treningsform. Det er ikkje alltid like lett. Ho burde vore klikkartrent så hadde ho forstått kor kjekt (og frustrerande) det er å trene. Men heldigvis skjønte ho teikninga i dag.

Ho stilte seg opp og la den minste klossen eg har sett (hadde sjølvsagt gløymt vår), framfor meg. Eg fekk såvidt labbane på. Det førte til at ho aksepterte at den ein labben kom litt utanfor. Ho gjorde som sist. Stilte seg framfor meg og venta. Eg prøvde meg og brått kom det eit klikk. Forstod ikkje heilt kvifor. Prøvde meg igjen. Flytta venstre foten til venstre. Ingen respons. Flytta høgre bakfot. Klikk! Sånn holdt eg på. Trengte litt tid før det seig inn kor klikket kom. Prøvde meg med sitt og dekk òg. Ingen klikk. Grein litt. Ingen klikk. Akkurat når vi held på slik, syns eg at matmor er kjempedum. Ho må jo sjå at eg prøver så godt eg kan. Syns eg kunne fått ein godbit for det.

Men så skjedde det noko. Akkurat som om det sa klikk i hjernen. Eg flytta meg mot høgre og heilt inn til matmors venstre side. Gjett om ho blei glad?! Prøvde ein gong til. Like glad blei ho. Hm. Kanskje det er dette som er sånn eit gjennombrot som dei snakkar om? Då eg hadde fått det til 3 gonger sa matmor at no måtte vi gå tur. Trur ho var redd for at ho skulle rote det til igjen. Håper eg hugsar ka det var som gjorde henne så glad i morgon òg.

Nå må eg sove litt, eg skal trass alt tidleg opp i morgon.

Ein slikk på snuten frå Ekko

Ein treningsglad hund

Ein eller annan sa at ein klikkartrent hund opplever ikkje fri frå trening som det kjekkaste, men å trene. Og det trur eg jammen er rett.
Dei to siste dagane har eg hatt det travelt og har vore trøytt - altså har eg hatt lite overskot tilå trene med Ekko. Eg syns han burde vere glad for ein god tur ut og eit griseøyre, men nei då. Han masar og tilbyr. Så den som må finne fram klikkaren og godbitar, er meg. Då er det ein hale som går....

Eg prøver å skrive logg og skal liksom notere kor mange forsøk som er korrekte og kor mange som er feil. Det er ikkje lett. Men her kjem i alle fall kort oppsummert tilstanden pr i kveld.
Vi har trent på target på fingeren. Det går faktisk veldig bra. No nærmar det seg 80% snute og ikkje munnen.
Å følge target gjekk så det suste i dag. Eg blei så inspirert at eg begynte med sitt inntil vegg. Og alle sitt inntil vegg gjekk som ein draum, men straks eg var utan vegg, blei dei skeive. Så eg får fortsetje arbeidet med bakpartskontrollen. Hadde forresten ei morsom oppleving då Ekko blei kjempefrustrert for han skjønte ikkje ka eg ville. Han hatt sett seg skeivt og prøvde alle andre forsøk på å få godbit. Til slutt kjem bjeffinga. Eg snudde ryggen til og stod stille. Denne gongen skulle han finne løysinga hadde eg bestemt meg for. Og jammen kom det ein stor svart hund og sette seg ved mi venstre side! Gjett om det blei storpremiering?!

Eg bruker ein treklosse til å trene bakpartskontroll og til å trene på utgangsstilling. Ekko elskar klossen. Nå arbeider eg etter Morten E sitt forslag. Ekko er kjempefrustrert når han ikkje heilt forstår ka eg vil når eg stoppar opp. Han vil at vi skal gå som ei kompassnål rundt og rundt. Eg er nå på trinn to i det blogginnlegget eg viser til. Sidan eg ikkje kjem på trening torsdag, har eg tenkt å bruke helga på klossen og target på fingeren. Og skulle overskotet kome så kanskje vi leiker litt med apporten ;-).

Elles møtte vi Torhild og Era i dag. Deilig å sjå Ekko bare glad når han ser ein hund. Det er ingen signal i kroppen hans på at han er utrygg og vil angripe. Dei fekk ikkje kome heilt bort til kvarandre sjøl om begge ville, men dei fekk godbitar for å vere i ro nær kvarandre. Og det greidde dei fint.

Utgangsstilling -target på fingeren

Ekko har altfor mange skeive sitt i utgangsstilling så eg ønskte å gå tilbake til null og trene det som om han ikkje kunne det frå før. Fann fram "Lydighetstrening i teori og praksis" og sette meg mål for kvelden.

Måla var:

• Target på fingeren utan å ville ha fingeren i munnen
• Å kunne bevege seg etter target
• Halde fast på ein gjenstand (dette for å løyse opp i ei øving som kunne bli vel pirkete)

Vi var veldig flinke og kom i gang kl 1730. Torhild og eg jobba saman. Første økt skulle Ekko kun ta snuten borti fingeren. Torhild skulle klikke. Det blei mange gode der han brukte nasen og ikkje munnen. Verka som om treninga eg hadde gjort litt tidlegare på dagen, hadde gjort susen.

Neste økt flyttar eg fingeren litt. Han følgjer, men no kjem munnen oftare fram. Når han har toucha fingeren stopper Ekko. Blei usikker der for skal dei ikkje følge etter så langt eg vil? Eller må eg alltid halde fingeren så langt framme at han ikkje kjem borti? Må sjekke ut den der (tar gjerne i mot kloke råd). Ekko blei meir frustrert i denne økta.

Tredje økt var likeeins. No ein del gode, men òg fleire der han vil ha heile handa mi i munnen sin.

Etter pausen opna slusene på himmelen seg og det blei litt surt å trene. No tok eg apportbukken fram. Ville trene på at han skulle halde. Her var han flink. Og morsom då apporten ramla framover i munnen (men han greidde å halde den fast) då eg frista med godbitar rett framfor nasen hans.

Siste del av treninga fekk han prøve target på ein gjenstand som Torhild holdt høgt og lågt. No var det for meg å klikke dei gongene han ikkje var borti med tennene. Ser at det er ei utfordring eg må trene mykje på.

Og kvifor står det utgangsstilling som overskrift når eg bare har skrive om target? Jo dette er første skritt for å lære utgangsstillingen igjen. Neste steg er inn til veggen med hunden bak og føre han fram og til å setje seg ved sida mi. Eg vil samstundes trene på bakpartskontroll med klossen. Har lese om att det som Morten E skriv i bloggen sin. Gode tips der.

Eg har til og med greidd å skrive treningslogg idag. Ikkje verst. Der ser eg at Ekko ikkje er 80% på target på fingeren så her må eg ikkje setje kravet for høgt enno.

Inspirasjon til apporttreninga?

Fekk bare lyst til å tipse om siste blogg frå "Kreativ trening". Her får hunden fleire freistingar, men held fast på apporten. Bare sjå her. Så stødige får vi vel våre hundar òg?