Burleiken og nye konkurranseformer...

Marit sa ein dag at det var rart at så få av oss som har vore på kurs med Fanny & Thomas, som brukte burleiken. Burleiken ja, tenkte eg. Den har helt forsvunne ut av hovudet mitt. Så i dag var det fram med stoffburet. Og gjett om det var ein som var klar for burleiken?! Rett i buret og straks kommandoen "fri" kom, sprang han ut så fort at buret forflytta seg det òg. Inn og ut av buret. Kjempekjekt! Eg prøvde å lokke. Han beit ikkje på godbitlokking, men "kom" er sterkt, for då kom han. Ingen premie og inn i buret. Etterkvart tok han teikninga. Veldig kjekk trening. Ekko ligg òg med labbane utfor. Brydde meg ikkje så mykje akkurat no, men må gjere noko med det. Buret er ikkje det største det heller...

I kveld har det vore kurs for retrieverklubben. Sporkurs. Ein fin gjeng med ivrige hundar fekk prøve spor. Ekko fekk sjå på gjennom bilruta. Eg la eit spor med gjenstandar i før kursstart. Ca 3 timar etterpå gjekk eg det. Og det er medan eg går det sporet (eller småspring) eg byrjar å lure på om det ikkje burde vere ei ny konkurransegrein innan bruks: Sprintspor. Dvs springe langt spor på kortast tid. Den som kjem fram først med hunden framleis i line og utan at førar har ramla overende, vinner. Trur Ekko og eg hadde kome langt der. Han går jo skråsikkert i sporet og har ein fart som er ein idrettsmann verdig. Trur det er enklare å få opp kondisen og farten på matmor enn å få han til å vente på sinka.....

Men sidan det ikkje er slik ei grein, så får vi nok begynne skikkeleg på grunntreninga igjen.

PS. Ekko fann sjølvsagt alle gjenstandane i sporet.

Ein flott treningsdag

Sol som varmar, hundar som jobbar og kjekke folk å trene med, kan ein ha betre laurdagar?

I dag var vi på Skjæveland. Vi var Ingeborg & Sander, Marit, Jan Inge & Punky, Marina & Kira, Kari & Evita og oss.

Eg var mykje på midtlina, men fekk tid til å varme opp Ekko før det var vår tur. Han var kjempeklar. Ved første slag ville eg ha eit klapp for å sikre meg. Han spring flott ut. Eg vil ha passering og roper han inn for å få han rett ut. Resultat er at han passerer, men stopper opp. Hunden er kjempetørst. Han får drikke. Spring då fint ut. Neste slag er blindslag. Han startar fint, men stoppar fort. Påverkar det han at han ikkje får ferten av menneske i motvinden? Eg roper han inn. Det går greit. Han spring fint til neste. Då han kjem tilbake, held eg han igjen litt. Nå står Kari litt synleg langt inne i skogen. Eg ser at hunden er trøytt (og har erfart at det ikkje var folk på den sida). Han får kommandoen "runder", spring fint eit stykke og sakker farten. Då byrjar Kari å springe langt der inne. Gjett om det var ein som skifta takt? Kjempebra. Dei to neste slaga går òg kjempefint.

Alle hundane arbeidde veldig godt i dag, men dei blei varme og tørste. Vi fann ut at vi måtte ha med oss ei vass-skål på midtlina. Den blei flittig brukt.

I pausen testa vi ut leik på Kira. Gjett om ho storkoste seg saman med Marit :)?

Etter pausen var det Marit, Jan Inge, Kari og eg som var igjen. Vi bestemte oss for å trene meldetrening. Ekko og Punky på lausbitt og Evita på å halde bittet heilt inn.
Utfordringa mi er å få Ekko interessert i å ta heile runden. Han syns siste delen (der han spring ut for å leike) er topp, men at han skal springe frå figurant og inn.... nei koffor det, ser han ut til å lure på. Her må eg drille moment utan å knekke gleda. Punky har litt av same problematikken, men ho hadde i alle fall meir fart enn "eg skal bare lukte på blomane og tisse litt"-Ekko.














Treninga var nyttig og god, veret var fantastisk. Då var det bare å ta med seg overskotet inn i køa på Plantasjen. Ut kom eg i alle fall med litt sommar....

Snurre rundt - går det an?

Arne aktiviserer oss for harde livet på aktiviseringskurset sitt :-). Før påske skulle Ekko shape snuten rundt i kring i ei eske. Og så skulle han ha framlabbane på ein stol og snuten i stolryggen. Det gjekk glimrande. Her viser han at han kan gå oppi stolen òg. Han strevde litt med å få rompa nedi. Stolen var visst for liten. Men då eg la teppe i og han slapp å sjå på rillene, gjekk det fint..

I lang tid har eg prøvd å få han til å ha alle beina i ei eske, no slo han til. Då måtte eg bare premiere!

I går var det ny kurskveld. No skulle vi begynne å snurre rundt (hunden altså). Deretter skulle hunden gå slalom og åttetal mellom beina våre. Dei to siste oppgåvene fiksar vi (sjøl om det ser litt komisk ut når matmor er liten og Ekko er stor). Men å snurre rundt er verre. Aller først måtte eg arbeide med at fingertarget ikkje betyr at han skal ta fingen min i munnen. Så gjekk eg over til targetstick sidan han er såpass stor. Han prøvde å spise den òg. Arne gjev meg tips om å gøyme targeten til både hunden og eg er klar. Ein liten detalj som gjer heile susen. Kor tar den mannen det frå?.. No fulgte Ekko roleg targetsticken. Imponerande. Vi kom ikkje langt. Prøvde litt i kveld òg.

Lekse til neste gong er:

• Finne på forskjellig vi kan shape med eska
• Hunden skal gå opp på ein stol, krakk eller liknande (den greier vi)
• Fortsette med apportering
• Snurre høgre og venstre. (den blir tøff)
• Hunden skal gå slalom utan hjelp. (Den må vi fikse)
• Gå bakover med kontakt og begynn å gå rett fram. Hunden skal følge både på venstre og høgre side. (Begynte litt på den i kveld.)
• Og så motsatt. Først fot så begynne å gå bakover (Mannen er sprø..)
• Og toppen av kransekaka... få hunden til å snurre medan eg går bakover og går fot.......

Vi har nok å trene på. Trur eg må slutte å jobbe, eg.

Sporkurs og bøker

I kveld har vi hatt teorien på sporkurset vi skal ha brukskomiteen. Det var veldig kjekt. Gro og eg hadde det saman. Gler meg til å ha praksistimar saman med denne flotte gjengen med unge retrieverar. Bruksarbeid er topp!

Det fins to gode bøker om spor. Og mange artiklar som de finn i margen min... Men altså bøkene:

Den første boka er norsk og er skriven av ein erfaren minehundtrenar, Anne-Lill Kvam: "Nesearbeid for hund". Denne opplever eg som ei svært praktisk bok i nasearbeid. Rett på sak og det er bare å setje i gang! Her er gode forslag til deg som vil lære hunden å bruke nasen.

Den andre boka er svensk. "Nosarbete - en bok om spor og uppletande". Marai Hagström er forfattaren. Enkel og grei forklaring på korleis du kan jobbe med spor. Boka har gode illustrasjonar.

Begge bøkene gjev gode praktiske forslag.

Trykk på boka (biletet) og du kjem rett til bokomtale og bestilling :-)

Nå e verden blitt rar!

I dag forstod eg ingenting. Matmor satt (som alltid) ved datamaskinen. Brått begynte ho å snakke og så svarte den kjekkaste tenåringen eg veit om. Eg sprang rundt for å finne han. Så brått høyrde eg: "Heia, Bajas. Kor e du?" Det er bare eit menneske som kallar meg det. Og ho er kjekk. Men kor er ho? Eg blei heilt vill. Grein ved utgangsdøra for å få mor til å lukke opp. Kanskje dei stod på utsida. Fann ein dummy og sprang ut på terrassen for å sjekke om eg kunne sjå dei på vegen. Men dei var ingenplass. Og matmor sat bare der og snakka inn i datamaskinen. Eg blei heilt forvirra, men så var det som om det blei ganske nære viss eg stod ved maskinen saman med matmor. Eg syns til og med eg såg dei der. Men nei, dei kan jo ikkje vere inni den flate skjermen?!! Eg tok meg ein runde til, men fann dei ikkje. Lurer på kor dei har gøymt seg?

Eg har vore ute ei stund i kveld. Matmor trener sånne problemhundar og eg ser på. Lærer ingenting av det for eg er jo ikkje sånn. Trur eg... Dei var ikkje kome ut av dataskjermen nå heller. Rart.

Matmor har forresten gjort det litt enkelt for dykk. No kan de trykke på boka til Arne når de vil kjøpe den - og vips kjem du til bestillinga. Og så kjem du til Canis og kan handle, diskutere osv viss du trykker på den reklamen som står der. Var ikkje det smart? Eg trur ho har tenkt å gjere noko liknande med dei bøkene ho syns er bra. De får vente og sjå :).

Dama det er bilde av, er mor mi, Alpha. Ho var ganske søt då ho var litt yngre...

Kveldsbjeff frå ein undrande Ekko

Påskeferie er kjekt!

I dag ville eg ikkje heim. Dei andre gjekk til bilen, men eg stakk inn og såg så vidt ut. Ikkje bilen. Ikkje reise. Eg vil vere på ferie! Men eg tapte. Måtte ut i bilen og så kjørte matmor. Eg veit ikkje om eg er heilt ven med henne lenger. Vi som hadde det så kjekt.

Eg har altså vore på ferie. Og ferie er for meg å vakne tidleg og vente i spenning på ka tid dei andre vaknar. Og når dei gjer det, er det fest og kos. Kvar morgon. Så er det masse god mat, god soveplass under spisebordet og turar stadig vekk. Spesielt likte eg lang tur seint på kveldane saman med matmor og tenåringen. Det var spennande.

Vi har ikkje bare kost oss. Vi har nemleg arbeidd òg. Blant anna skulle dei ruske opp i eit bed. Og der var det ei stor rot som ingen fekk opp. Både einball og tullball hadde hjelpt til. Heldigvis fekk eg sleppe til. Og eg drog og drog - og då fekk eg opp rota ;). Gjett om eg var stolt? Endeleg fekk eg lov til det eg hadde mest lyst til.

Eg skulle hjelpe til med å grave i jorda òg, men same kor eg gravde, var det feil. Det var visst bare lovleg på eit lite område. Eg lukta på den jorda, men den var det ikkje interessant å grave opp. Det burde dei tobeinte vite, men dei bruker altfor lite nasen før dei begynner å grave.

Som eg fortalde sist så måtte dei tobeinte rydde vekk masse skrap. Eg var arbeidsleiar og her er kontoret mitt :). Etterpå skulle dei spyle og bruke kost. Eg ELSKAR kostar. Dei er til å tygge på. Matmor er ikkje einig med meg så eg fekk ikkje lov til det eg hadde mest lyst til. Ja, ja, men eg blei i alle fall veldig trøytt av å passe på at dei gjorde det dei skulle.

I morgon er det trening igjen. I alle fall noko å gle seg til sjøl om eg heller vil ha ferie. Ja så er det jo deiligt å koma heim til saccosenga mi òg. Har sakna den.

Godnatt bjeff frå Ekko

Ein liten rapport frå Ekko

På måndag var eg på tur med damene mine (Era og Pia). Denne gongen var òg Dea med. Det var kjekt. Ho er visst meir gira på ender enn eg er, så vi måtte trene litt. Matmor hadde gløymt å ta med fotoapparatet så det blei bare noen dårlege mobilbilder. Og så gløymte ho å ta bilde av Pia. Og det var dumt for Pia hadde lært eit nytt triks. Eg blei imponert. Trur ho elskar triks. Eg syns òg det er kjekt, men slit litt med å forstå matmor. Til dømes: Nå har eg snuten nede i eska, men brått blir det mindre godbitar. Ka vil ho nå då? Eg har prøvd med labben oppi, kasta eska i lufta osv., men det hjelper ikkje. Sukk.

Men tilbake til turen. Det var ein fin dag. Kari hadde til og med tatt for mykje klede på seg. Så her trener Dea på å sitje fint mens Kari tar av seg genseren.

Era skal alltid vise at ho er så flink til å ligge fint ved sida av matmor si. Eg syns det er vanskeleg. Vil anten trene eller leike. Bare ligge der og vente... Nei, koss får du det til Era?

Det var ein kjekk tur. Dea brydde seg ikkje om syklistar, joggarar eller barnevogner, men trenger meir trening på å oversjå endene, så eg trur det blir fleire sånne turar. Men så er det så dumt for matmor jobbar jo når dei går tur til vanleg. Eg òg vil vere med på tur rundt Mosvatnet. Eg treng trening i mykje, eg!

Nå har eg reist på ferie. Det er veldig kjekt. I går fann eg meg ein haug med gamle hagemøbelputer. Dei la eg meg på og såg på at dei tobeinte bar på materialer, sagde og styrte på. Blei ganske trøytt bare av å sjå på.
På kvelden møtte eg ei labradortispe på 8 månader. Ho kom i full fart mot meg. Då blir jo matmor redd for eg er i band og ka kan skje.... Ho er redd for all ting ho. Det var ikkje farleg i det heile. Ho var jo heilt lik Punky og Era. Kom i full fart og gjorde akkurat som Punky då ho kjem mot meg. Eg var heilt grei, eg. Men dette var visst ingen leikeplass så vi fekk ikkje leike, bare snuse litt på kvarandre og trene på å slappe av sjølv om vi var i nærleiken av kvarandre. Det gjekk veldig fint sjølv om dei tobeinte prata ei stund.

Nå har eg tatt meg ein morgonkvil under kjøkkenbordet. Eg elskar sånn bord det går ann å ligge under. Koffor har vi ikkje sånt heime?

Morgonkos frå Ekko

Innlæring av bringkobbelmelding

Eg har tidlegare skrive litt om innlæring av bringkobbelmeldingen. No kjem det litt i detaljform igjen. Grunnen til det er at eg no må få på plass meldetreninga. Runderinga går så bra at eg i løpet av våren burde kome eit stykke i veg på meldinga òg.

Typiske problem som kan dukke opp når hunden bruker bringkobbelmelding er:

• Hunden slipper bittet for tidleg
• Feilmelding
• Hunden vil ikkje vise figurant etter meldingen
• Hunden kjem ikkje heilt inn og i utgangsstilling

Korleis skal eg unngå dei? Det er viktig at hunden får belønning når han har gjort noko riktig. Er vi for tidlege til å setje lausbittet inn i sjølve runderinga, så må vi belønne dårlege leveringar for at ikkje hunden skal miste interessen for å rundere. Han fann jo figuranten. Men leverte ikkje meldinga skikkeleg. Altså må sjølve meldetreninga arbeidast med utanfor runderinga til den er opp mot 100% sikker. Og då skal han altså:

1. springe på kommando ut til figurant, Ekko er flink
2. ta bittet, returnere til førar, Stort sett flink, men i det siste tendens til at eg kallar inn
3. sette seg på plass, Ikkje flink. Vi helst stå
4. holde fast bittet til førar seier "takk" Veldig flink
5. førar skal koble hunden det greier eg
6. på kommando skal hunden raskt og effektivt påvise figuranten. Ekko flink

Alt dette skal skje utan ekstra innkallingssignal, hold fast-kommandoar, ros frå førar osb. Einaste forsterkning er leik med figurant i slutten. Dette skal han greie på sitjande. liggande, ståande og gåande figurantar.....

Ekko sitt svake punkt pr i dag er altså punkt 2 og 3.

Eit av krava før vi i det heile byrjar med innøving av bringkobbelmelding, er sikkert apportering (og den må vere sikker helst på nivå 8 og over i lydnadskonkurranse i følge Morten E.). Og så må hunden synast at det å leike med figurant er toppen på jord.

Trinn 1: Påvisning Ha hunden sitjande på plass og hold i halsbåndet. Figurant viser belønningen og går ca 50 meter ut. Set seg på huk eller legg seg på bakken. Sei kommandoen "Vis" i det same du slepp hunden. Hunden bør omtrent slite seg laus for å kome fort til figurant. Når hunden spring raskt ut, gjeld det å få den til å sitte stille på plass og vente på kommandoen. Det er viktig at dette er spikra. Nå hadde eg tenkt å skrive at trinn 1 er i boks for Ekko, men eg trur eg skal ta eit stopp her. Kanskje det er her eg skal drille inn punkt 3 i oppramsinga lenger oppe, nemleg det å sitje på plass? Resten av trinn 1 er i boks.

Trinn 2: Holde fast lausbittet - påvise Figuranten byrjar som sist: Viser premien, går ca 50 meter ut og set seg. No skal hunden stje roleg på plass. Hold lausbittet framfor hunden og ver tolmodig :). Når hunden tek bittet, seier du "vis". Hunden MÅ halde bittet når du seier "vis". Etterkvart kan du la hunden sitje og halde fast bittet nokre sekund, eller ta to steg fram og holdt før han får kommandoen "vis". Auk vanskegraden. Ekko er sikker i det å halde lausbittet (apporteringa er god), men for å fortsetje med sikker sitt så skal eg teste det med å gå eit par steg med bittet for så å sitje igjen.

Trinn 3: Ta lausbitt hjå figurant- returnere til førar - halde fast - påvise.

Nå skal hunden ta bittet hjå figuranten, springe inn til førar og straks den kjem i utgangsstilling med bittet i munnen (her er det viktig at bittet er i munnen heile tida), seier førar: "vis". Figurant kan bli aktiv for å vise at det er lov å springe ut igjen. Førar skal IKKJE rose hunden når den kjem inn med bittet. Unngå kommandoen "på plass", "hold fast" osv. Dette skal hunden kunne frå før. Belønningen for å kome inn med bittet, er å få springe ut igjen. Ingenting anna.

Det kan hende at hunden treng eit mellomtrinn her. Greier den ikkje heile prosessen frå figurant til førar, bør du starte med å gje lausbittet 3 m, 5m, 10m osv frå førar.

Etterkvart bør bittet ligge på bakken like ved eller på figurant.

Her er det mangel på utgangsstilling som er det svake punkt hjå denne ekvipasjen. Så får eg sikker utgangsstilling går dette fort.

Trinn 4: Springe ut- ta lausbittet - returnere - holde fast - påvise. Nå set vi altså saman heile øvinga. Hunden skal får kommandoen "runder" og så gjennomføre alt over.

Trinn 5: Figuranten varierer stilling Ligg, stå, sit, gå, skjult, fleire figurantar saman, figurant i gøymt i tre osv....

Så er det å få lausbittet inn i søket i skogen. I følge Morten E så går det fort å lære inn VISS eg har gjort grundig forarbeid.

Når alt dette er på plass og sikkert - SÅ set vi igang med trinn 4 og 5 med fastbitt.

Det er VÅR!

Vi vakna til skikkeleg morgontåke i dag. Det lova ein flott dag. På veg mot Bore, måtte eg bare stoppe og ta bilete av tåka som låg over låglandet, medan Ullandhaug var i sol. Då eg kom fram til Bore, hadde eg alt fått skikkeleg vårlukt inn i bilen (møkkalukt) og sola hadde vunne over tåka. Blå, blå himmel!


I dag var det 5 hundar og 4 kvinner som skulle rundere. Silje og eg ville ha overvêrsøk først. Var litt spent for det var ikkje mykje vind. Men det betra seg. Først ut var Pia. Ho er skråsikker på overvêr. Fann alle og storkoste seg.

Ekko hadde eit godt tempo han òg, men eg stoppa eit par forsøk. Var sikker på at dei var tull. Dumme meg. Det viste seg at det var ein figurant der. Han sleit litt med å finne den eine figuranten, men jobba godt og gav ikkje opp. Vinden endra seg litt i løpet av overvêrssøket, noko som gjorde det litt meir innvikla.

Her er Dea og Sita i arbeid. Dei var flinke begge to. Dea måtte ta seg ein ekstra tur for å sjekke ut traktoren, men greidde å snu før ho var framme. Det var visst skikkeleg spennande med motordrevne saker :-)

Andre økta runderte vi. Då var Gro Anita og Sita reist så vi hadde ingen på midtlina. Det gjekk greit det òg. Ekko kom på innkalling, hadde fin framdrift og passert like ved meg. Det blei ei god økt.

Etter runderinga måtte eg bare ta litt våronn i terrassekassen. Fram med T-skjorta! Ekko slokna på terrassegolvet. Det var godt og varmt. Etterkvart så varmt at han rømte inn.

Vi shaper i veg

Så var det tid for ein ny torsdag på kurs med Arne. Sist veke skulle vi shape snuten ned i eit hjørne i ei eske. Eg var ikkje komen heilt i hjørna med Ekko. Vi sleit ein del med at det var labbane han hadde fokus på, men etterkvart løsna det. Etter ei økt på kurskvelden og ei økt i kveld, har snuten ofte vore nedi hjørnet eg bestemte meg for. Men kor sikker han er på at det er det hjørnet, er heller tvilsomt. Må nok arbeide ein del til før eg begynner å shape han til det neste hjørnet. At hunden likar shaping er tydeleg. Han vil trene heile tida :).

Den andre shaping oppgåva på kurset var å få hunden til å ha begge labbane i stolen og snuten i stolryggen (heilt forgale å lære Ekko det, han har jo ikkje lov å gå i stolane...). Fram med campingstolen. Ekok tok fort at snuten skulle i stolen. Etterkvart kom ein labb. Så langt kom vi.

Etter pausen var det trening på apport. Arne er utruleg flink til å vere tydeleg på detaljane. Der eg har lett for å slurve. Marit og eg jobba saman. Og for begge handla det om dummiar. Vi har hundar som er litt heite på dei. Då fekk vi utfordringa: Korleis få hunden til å ikkje la seg stresse opp av at eg kastar dummy, men som sit roleg og ser på? Marit kasta og straks dummien trefte bakken skulle eg klikke. Etterkvart skulle eg vente med klikket for å sjå om hunden såg frå dummien og opp på meg. Då blir det klikk igjen. Dette for at han roleg skal sitje medan dummiar sprett rundt han. Ekko fiksa det greit. Det som var vanskelegare var å få han til å sitje. Han ville rygge, hoppe, dekke osv... Men vi greidde det til slutt.

Som vanleg avslutta vi med konkurranse. Reine 17.maistemningen. Skei med potet (heldigvis ikkje egg) som vi skulle frakte frå punkt A til B og tilbake. Hunden skulle gå med slakt band ved sida av (og førar halde bandet i same handa som skeia). Skikkeleg morsomt. Vi vann :-)!

Leksa i påsken er å drive med luktdiskriminering. Vi fekk ei oppgåve til, men den hugsar eg ikkje.

Bileta er ikkje frå kvelden, men forrige helg.

Blodspor, meldetrening og leik

Måndag var det første samling med bruksgruppa på området vårt. Eg hadde bestemt meg for at det var meldetrening som skulle vere i fokus. I tillegg ønska eg eit blodspor.

Jan Inge la eit lang og godt blodspor for meg. Her var det vinklar, sårleie, avhopp osv. Det fekk ligge i nesten 2 timar før vi gjekk det.

Meldetreninga - tja det har jo alltid vore eit lite sjansespel for Ekko går fort lei. No starta eg på trinn 2: Delmomentet "Vis" med lausbitt. Her sit Ekko i utgangsstilling, får bittet og skal springe til figurant på kommandoen "vis". Det går perfekt. Vi går til delmoment 3: Ta bittet hjå figurant og returner til førar for så å få påvise. Eg tok òg eit forsøk på heile runddansen. Men då var det nok syns Ekko og såg seg rundt (Scotty hadde pipeball, naboeigedommen hadde småhundar osb). Artikkelen og filmen til Canis bør nok lesast nøye ein gong til for dette skal vere på plass før eg set det inn i runderinga. Artikkelen finn du her.

Deretter tok vi ei lita økt med apport. Eg fekk låne metall apporten til Punky. Ekle greier syns Ekko, men tar den i munnen. Han plukkar den ikkje opp frå bakken, men eit par centimeter over. Hentar treapport og begynne rå tygge rett før han er i utgangsstilling. Har litt å jobbe med der ser eg.

Så var det sporet. Dette er kjekt syns Ekko. Og han er sporsikker. Går veldig bra (ein stad rotar han litt, men tar seg fort inn). Sårleie markerer han, men ikkje eg for eg er for langt bak i lina. Han lar seg ikkje distrahere av avhopp. Alle vinklar går fint. Dennen gonge hang eg bare på slep (holdt igjen) ein gong, men det betyr ikkje at han gjekk seint, bare at eg småsprang. Som Jan Inge sa: "Ekko er ein sporsikker hund, men skulle han bli brukt for å få tak i eit skada vilt, var det få jegerar som kunne følge han. Det måtte vere Bjørndalen (skiskyttaren)". Så no tenkte eg at eg skulle få tak i Bjørndalen for det er vel enklare enn å få Ekko til å gå sakte :-).

Trefte jo på Arne og sa at det var litt for høg fart i sporet. Og då får eg jo passet påskrive: "Du har ikkje gjort skikkeleg grunnarbeid". Plagsomt med slike folk som treff blink stadig vekk. Han meinte eg måtte tilbake til pølsesporet og arbeide for at hunden stoppa ved alle pølsebitane. Deretter sjeldnare pølser,men med fokus på tempoet. Han har jo heilt rett, men det er så kjedeleg med pølsespor. Men skal eg ikkje alltid måtta vente på at sporet er mange timar gamalt, så må eg til pers igjen. Pølsespor, here we come!
----

For tida er det ein spennande diskusjon i bloggen til Håkon Groven. Han tar for seg det same som vi har diskutert, nemleg leik. Skal vi forlange leik, korleis skal vi avslutte osv. Les og tenk. Ka syns du? Dette kan bli eit spennande tema framover.