søndag 28. juni 2009

Familieselskap

Denne helga har eg hatt besøk av dei kjekkaste folka eg veit. Og eg har opplevd mykje.

Til dømes skulle vi reise til Tau. Eg ligg alltid i bilen på ferjeturen. Men akkurat denne dagen, fekk matmor panikk. Det var så mykje bil at vi havna i kjellaren. Då matmor opna bildøra slo varmen mot henne. "Hjelp", tenkte ho." Her kjem Ekko aldri til å overleve." Er jammen glad for at ho tenkjer på meg.
Ut av bilen med meg og først dei indre trappene til 1. bilhøgde. Då ville ho ha meg opp dei ytre trappene, men dei var veldig nifse. Det var sånn med hol i og såg veldig vonde ut. Eg nekta. Då gjekk vi vidare opp dei indre trappene. Då kom vi til ein plass der det sat mange folk. Kjente på matmor at dette likte ho ikkje (det var visst ulovleg), men vi sprang fort ut på dekk. Her låg eg og hadde det bra. Men så kom det eit smell som gjorde meg redd. Ganske nifst altså. Matmor hoppa litt ho òg. Ho sa det var ei pipe som slo seg på. Men eg er ikkje sikker eg. Ville i alle fall ikkje gå heilt bort til den pipa meir.


Så skulle vi ned til bilane igjen. Matmor trudde eg fiksa greit dei indre trappene sidan eg fiksa dei opp. Men ho skulle sett det eg ser: KJEMPElange, bratte trapper. Eg vågde ikkje. Greidde etter mykje om og men å kome meg til 1. bilhøgde. Der ville eg inn i bilen for det var så mange lydar. Men eg fann ikkje bilen! Matmor prøvde å forklare at vi måtte vente og springe ned i ein kjellar då luka opna seg. Eg blei livredd! Men nå var matmor bestemt så eg sprang med henne ned til bilen. Der stod tenåringen og var kjempeflau for at vi var så seine. Men han skulle bare visst koss det er å vere redd. Trur aldri eg har hoppa fortare inn i bilen.


Då vi kom fram til der vi skulle på fest, var den skikkelege mor mi (Krøllalpha) der. Ho var heilt vill og galen. Eg kjente med ein gong at ho hadde bada så vi sprang til sjøen og hadde det kjempekjekt. Men så gjekk ho heim til der ho bur.

Eg fekk helsa på masse kjekke folk etterkvart som det blei kveld. Trur matmor var litt spent på koss dette ville gå. Det var visst nokre som ikkje likte hundar der og så var det folk som kjeftar på hundar. At ho ikkje lærer. Eg kan jo oppføre meg, eg! Eg hoppa ikkje på nokon. Eg sneik meg inn i sjøhuset ein gong, men det var før eg fekk vite at det var ulovleg. Etter det låg eg som ein prest bak ryggen til matmor og ei gamal dame som sat ved sida. Dei fekk gå inn i sjøhuset og forsyne seg med allslags god mat både ein og to gonger.Og dei åt og åt. Heldigvis har matmor skjønt at det krev sitt å vere så snill så kvar gong ho kom tilbake med mat til seg sjøl, fekk eg ein godbit for å ligge i ro.

Det var ei lita jente med i selskapet. Dei fanga krabbe til henne. Veldig spennande syns eg.

Seinare på kvelden spelte dei noko dei kalla Bodsja. Det heiter visst petanque eller noko slikt i utlandet. Då var det vanskelegare å ligge i ro enn under maten. Tenk at dei først kastar ein liten ball, så kastar dei store ballar. Og eg skulle bare ligge der. Greidde det lenge, men så kjente eg at no var det nok. Fann fort ut at dei blanke kulene ikkje var noko å samle på (dei var blytunge), men den svarte kula dei kasta først.... Då fekk eg ikkje lov å springe fritt lenger. Merkeleg. Heldigvis var det andre som ikkje spelte der og dei ville leike med meg.

Eg hadde det så kjekt den kvelden at eg ikkje fekk kvilt meg i det heile. Blei faktisk glad då matmor seint på natta meinte at det var på tide å ta båten heim. Eg hoppa i bilen og trengte ikkje gå ut før vi var heime.

I dag har eg bare sløva. Det er så varmt så varmt. Heldigvis hadde matmor lagt kongen min i frysaren. Eg koste meg lenge med frossen leverpostei og forkuler.

fredag 26. juni 2009

Torsdagstrening i varmen

Torsdag kveld og skikkeleg sommarvarme. Det meste gjekk i sakte tempo for både hund og menneske. Men trene skulle vi! Silje m/Pia, Torhild m/Era, Anna m/Una, Anne Lise m/Scotty og oss stilte opp.

Ekko skulle trene på luktdiskriminering, dvs te-egget sitt. Vi arbeidde med å få han til å setje seg ved sida av egget. Han gjer det delvis. Legg eg egget for langt borte apporterar han det. Så her må det gå sakte i detaljane.
Som sjølvvalgt oppgåve (eg visste ikkje at vi hadde slik, men det meinte Ekko) bestemte han seg for at burtrening var det kjekkaste. Med og utan kommando sprang han i buret svært så ofte denne kvelden. Om det var varmen eller kjensla av lett-tjente poeng, veit eg ikkje. Iveren var i alle fall stor. På bilete har han labbane godt utanfor. Det varierte ein del.

Ei stund sette vi oss nære kvarandre og trente hundane på å ligge i ro ved sida av oss sjøl om det var andre hundar nære. Ekko syns han treng premiering heile tida for å få det til, så her kan eg med fordel trene meir.

mandag 22. juni 2009

Fin treningsøkt i sommarsol

I kveld var det strålande sol på området. Vi skulle trene på:
  • bli liggande på teppet
  • luktdiskriminering
  • apport

Det blei det som var planlagt pluss "på plass". Ekko var begynt å slurve veldig på den. Dekka istaden for å sitje.

Først var det teppet. Denne tok han fort og gjekk og la seg då eg sa teppe. Greidde å vente på "fri". Det var leik som var premien. Innimellom sette eg meg slik at det blei pausetid for begge.

Apporttreninga starta elendig. Han tøffa avgarde og henta apporten, beit på den, kom inn og la seg fint i eit dekk... Gjekk over til å trene kun sitt og på plass. Dette blei premiert med leik. Etterkvart tok eg fram apporten igjen, gøymte den og sende han avgarde. No var det fart og fine innkomstar. Veldig bra.

Luktidiskriminering slit eg med. Det går fint dei første momenta, men når det blir avstand har han lett for å ta det i munnen og apportere. Fekk trent litt, men ikkje nok. Han toucher egget, set seg mot meg osv. Eg skal ha bort koss han sitt difor trente eg på sjølve nasenkontakten med egget. Litt pirkearbeid, men det går vel bra til slutt ;)

Etter treninga gjekk vi ein fin tur med hundane. Ekko fekk her trent på å gå fint i band.

søndag 21. juni 2009

Tjensvollgjengen på tur.


Laurdag føremiddag møttes Tjensvollgjengen (Pia, Era og Ekko med førarar) med ryggsekk og godsko. Vi skulle kose oss, trene og nyte dagen. Vi starta ved litle Stokkavatn, gjekk vidare til store Stokkavatn. Til saman gjekk vi ca 1 mil. Ikkje rart vi syns at vi trengte lang matpause og fleire badepausar for hundane. Det var sol og mykje kjekt å trene på. Her er noko av det hundane var innom:


  • kyr, hestar, sauer, ender, måker og sinte svaner med ungar...
  • andre hundar
  • vente på tur medan ein badar og får pinnar kasta ut i vatnet (veldig vanskeleg)
  • gå roleg sjøl om ein hund ligg først i køen
  • sitje roleg ved sida av kvarandre
  • ikkje få lov til å vere ved sida av dei to andre (altså sitje på avstand)
  • slappe av når det er matpause og dei ligg bundne til kvar sitt tre (Era var suverent flinkast her)
  • gå roleg sjøl om det kjem joggarar, syklistar, barnevogner, ungar, folk med stavar osv
  • vente på versegod før ein får spise matpakken (Det var kun Ekko som hadde skikkeleg matpakke. Dei andre må ta det med neste gong..)
  • holde fokus sjøl om fuglane kreler rundt dei

Ja, og sikkert mykje meir. Hundane var kjempeflinke og takla det meste. Ekko må trenast på å slappe av på avstand frå meg. Ellers får Pia lov til å kjefte så mykje ho vil på han. Han overser det suverent.

Vi brukte 5 timar på turen. Det kunne fort blitt lengre for på slutten møtte vi ei svane med ungar. Og ein "smart" mann som kasta godbitar til dei. Dei var midt i vegen. På den eine sida var det gjerde og på den andre vatnet... Lite grøftekantar. Vi prøvde litt. Ekko kjefta litt, men det kom bare sinte fres frå svanemor. Ei dame skulle tydeleg ut å fotografere. Såg nok det fine motivet å starte med på turen, men måtte snu og gå tilbake til bilen. Vi andre stod på andre sida av villdyret og venta på fredstider. Heldigvis fann ho det for godt å ta sine søte små med ut i vatnet. Så vi kom oss heim.













Dette var ein kjempetur som vi kjem til å gjenta fleire gonger.

---

I dag sundag har vi vore på retrieverklubbtreff på området. Frå bruks møtte Gro og eg. Maja viste eit langt spor. Ekko viste ID-spor og rundering. Begge hundane var veldig flinke. Utanom det så imponerte jo lydnad og jakt. Triveleg dag i solskinnet.

Bileta er frå mobil (Torhild og min). Eg hadde gløymt å lade kameraet....

lørdag 20. juni 2009

Vi har trent sjøl om det er travelt

Eg trur Ekko er veldig glad for at denne veka er over. Det har blitt mange timar aleine i heimen. Men vi har altså trent litt...

På sundagen var vi på ein liten tur med Punky. Det var kjekt.

Måndag var det trening på området. Marit og eg trente på bringkobbelmeldinga. Her hadde Ekko to fine, men så skulle jo eg slå til med ein ekstra.. Akkurat, den var totalt mislukka. Han var ikkje så gira som på laurdag, men det er håp.
Så trente vi litt på te-egget. Altså luktdiskriminering. Her blandar han mellom å sitje og å dekke ved egget. Deretter sprang eg til kunstklubben. Og godt var det for eg blei eit flott bilete rikare:).

Tysdag var det ikkje tid til så mykje mental trening, men vi fekk til ein runde med te-egget. Oppdaga at han ikkje set seg ved egget, men ved meg. Dvs at eg no begynte å stille meg eit stykke frå egget. Då markerte han på deto og kom nærmare meg for å setje seg....
Om kvelden gjekk vi i Sørmarka. Her hadde Ekko fleire flotte opplevingar i møte med andre hundar. På ein bestemte han seg for ikkje å ta kontakt, men å følge kommandoen min, på ein annan gjekk han til meg då den andre knurra og resten tok han veldig bra. Gjett om eg var glad :)?

Onsdag var det ein runde rundt Mosvatnet før eg sprang på jobb igjen. Fekk ikkje tid til trening i det heile. Jo forresten, vi trente jo på turen. Han møtte hundar og fuglar. Og alt gjekk fint.

Torsdag var det heldigvis aktivitetskurs igjen. Det er kjekke timar det! Heldigvis skal vi fortsetje til hausten for vi blir inspirert, vi blir korrigert og vi har lekser til kvar gong. Rett og slett lærerikt.
Eg fortsette med te-egget. Arbeidde aleine på grunn av at eg kom ein del seinare enn resten. Fann ikkje løysinga på det å få han til å sitje ved egget bevisst. Trente på å få han interessert i å snuse på egget når det var synleg og når det var gøymt. Det gjekk veldig fint. Heilt på slutten fekk eg faktisk eit par markeringar på rett plass (altså at han sat ved egget og markerte)!
Etterpå trente vi litt tapt apport. Gjekk fint. Trente på å apportere dummien på slutten. Her må eg trene endå meir på ro før henting. Dummien er heit.

Fredag fekk Ekko ein tur rundt Mosvatnet. Turen var deilig. Etter den var det bare å skifte kler og dra på sommarfest på jobben. Stakkars dyret. Eg kom ikkje heim før langt på natt. Eg må innrømme at den der hunden min er snill og tolmodig.

All einsemd i veka tok vi igjen i dag, men laurdagen fortener eigen artikkel.

lørdag 13. juni 2009

Ein god dag på "jobben".

Sol, men litt kald vind på Sviland i dag. Vi var 5 spreke menneske og 4 spreke hundar som ville rundere i dag. Først ut var Punky som jobba godt i varmen, så Pia. Eg gjorde Ekko klar for arbeid så eg fekk ikkje med meg korleis det gjekk med henne. Men Silje var blid som ei lerke etter treninga. Pia hadde fortsett på det gode arbeidet ho gjorde sist laurdag.

Så var det Ekko:
Han var i storslag. Fekk med seg at dei snakka i walkie og at det tydeleg var nokon i skogen. Stod på parkeringsplassen og trippa. Gjekk fram til der eg skulle sende han ut. Bad om eit klapp, gjekk i ring og stilte han opp. Rett ut i god fart! Finn figurant, forflyttar seg fint framover då eg roper og krysser midtlina. Rett over til neste figurant. Slag tre blir like godt. På slag 4 lurte eg på om han begynner å tulle for han kjem tilbake mot meg, men nei, det var bare ein omveg for å finne betre plass å krysse elva. Finn figurant og kjem fint tilbake, krysser lina. No stoppar han opp. Hm.... Men det var visst bare for å spise gras. Då den jobben var gjort, sprang han fort innover i tette skogen.
Det 6.slaget blir eit blindslag. Han finn ikkje figuranten, men kjem inn igjen. Sender han over på neste. 7.slaget går fint. Det 8. er eit planlagt blindslag. Silje gøymer seg på midtlina, men Ekko er ikkje lett å lure. Han ser henne og ser ikkje poenget med å springe inn i skogen. Set nasen i veret, kjenner ikkje lukta av menneske og vel heller å spise gras. Då sender vi han over på Jan Inge som no har fått beskjed om å kome nærmare. Hunden begynner å bli sliten. Full fart ut der og fin overgang til Silje igjen. Sluttar her.

I dag har han altså holdt koken lenge, han hadde fart, forflytta seg fint framover fleire gonger. I tillegg underholdt han oss med å kome springande med gras i munnen. Han åt faktisk gras i fart :). Kjempefin økt!

Etter pausen var det meldetrening. Eg har strevd med siste moment i baklengskjedinga av meldetreninga: Frå figurant - inn til meg - ut igjen til figurant. I dag løsna det. Han tok teikninga. Ikkje den største farten inn til meg, men farten kan ingen klage på då han fekk kommandoen "vis". Han auka farten inn til meg då eg gjorde ein variasjon med å bli med han ut til figurant, la dei leike ferdig, gje figuranten lausbittet og få Ekko til å sjå meg medan eg spring nedover vegen. Stiller meg opp, figurant held bittet framfor Ekko og han spring inn til meg, set seg og ventar med å sleppe lausbittet til kommandoen kjem. Er litt for ivrig etter å kome ut, men det går bra.

Like gode var Pia og Maja (Punky hadde reist heim) på det momentet dei trente på. Så her var det ekvipasjar som reiste glade heim.

fredag 12. juni 2009

Tapt apport og luktdiskriminering

I går var det endeleg akrivitetskurs igjen. Eg har ikkje vore med sidan midten av april så dei andre var komne langt på område eg ikkje hadde begynt på.

Eg arbeidde saman med Gro og Maja. Maja var blitt ein reser til å plukke opp tapt apport og legge seg ved sida av gjenstand med den lukta ho hadde trent på. Spesielt på dette med å markere på funn var ho veldig interessert i.

Ekko og eg var på bar bakke. Vi starta med å trene på tapt apport på asfalten. Ekko har ingen problem med å plukke opp og kome inn med det han finn, men det er ikkje fart over sakene. Vi gjekk ut i naturen, men der mista eg all kontakten med hunden. han tok "stand" og det var visst gevær og ikkje godbitar eg skulle stille opp med.
Dette må vi trene meir på.

Så var det første trening med te-egget. Ekko fekk klikk for all kontakt med egget. Etterkvart la eg det på bakken. Han markerte det fint. Så skulle eg trene på sitt. Det var frustrerande syns Ekko. Han tilbaud rygging og stå, men sitt var ikkje på lista han kom med. Etter ein del frustrasjon, måtte eg kommandere sitt. etter det kom det fleire sitt. Eg må få med meg stega etter det...

--
Ekko har i det siste hatt fine møte med andre hundar. Eg kan sjå på han når eg bør lage avstand og når han er venleg interessert. Han har fiksa forskjellige hundar i forskjellig alder. I går var han avslappa nær Scotty. Utruleg. e
Eg tør nesten ikkje skrive om det for då tek det vel slutt.
---
I kveld har vi trent på te-egget. Ekko begynner å forstå at han skal setje seg ved sida av egget, Men når eg legg egget eit stykke unna og seier søk, apporterar han. Ordet søk har eg brukt på det å leite etter godbitar og mykje anna. Må visst bli meir bevisst bruken av ord.

onsdag 10. juni 2009

Lukta av rev

I kveld har vi gått tur rundt Mosvatnet med jentene til Ekko (Era og Pia). Det var mykje folk, syklistar og litt hundar. Ekko er ikkje så veldig interessert i andre hundar når han har dei andre med seg. Då er det viktigare å vite kor dei er, enn det som går forbi. Turen gjekk veldig fint. Vi prata og hundane koste seg. På slutten av turen, kom det ein liten hund mot oss. "Det er ein rev", seier Torhild. Eg finn det tryggast å kome meg eit stykke vekk. Eigaren tok "hunden" opp og bar han forbi oss. Ekko viste inga interesse og eg slappa av. Men om dyret var forbi, var lukta på veg mot hundane. Ekko stivna til. Dette var ikkje lukta av ein vanleg liten kvit hund. Pia blei like stiv. Så begynte bjeffinga. Det tok tid før eg fekk kontakt med Ekko. Då eg endeleg fekk kontakt, varte det kort. Alle tre hundane var heilt gira på lukta langs bakken. Ganske fasinerande kor sterkt dei reagerte på at denne hunden lukta annleis enn dei andre dei hadde møtt.

Elles er vi i gang med burtreningen igjen. Ekko spring frivillig inn. Liker ikkje når eg lukkar døra, men aksepterer det. Utover det har det blitt lite trening. Altfor mykje jobbing på den tobeinte. Men snart er det ferietid...

lørdag 6. juni 2009

Rundering i sol og varme

Endeleg var vi klar for rundering igjen. Vi møtte Marit og Jan Inge, Kari L., Silje og Gro L med hundar på Skjæveland. Var spent på kor mykje mauren hadde overteke av skogen, men det gjekk betre enn eg var redd for. Ikkje det, eg trur ikkje vi treng ha dette område som vårt i sommarferien. Då har nok mauren innvadert heile skogsbotnen.

Eg var spent på runderinga til Ekko. Det er sjeldan han får trent for tida, formen er ikkje den beste og det var varmt i dag. Men, men. Igang med oss. Starta med klapprekke, dvs at han denne gongen fekk klapp frå post nr 2 og nr 1 før eg gjekk vekk litt for så å sende han ut på nr 1. Han starta fint, men skulle brått snuse rundt. Så vakna han og for rett på figurant. Kom flott tilbake og kryssa over til figurant to, men stopper brått opp. Ser på meg og ut i lufta. Dette har eg sett før og blir litt irritert. Men han får stå der og så spring han omsider. Kjem fint tilbake og har godt driv over på andre sida, slik fortset han dei 5 neste slaga. Då stopper eg for han er varm og eg vil ha stopp medan han har fin flyt og ikkje begynner som på andre slaget.


Etter ein god pause i solvarmen, var det meldetrening. Starta med siste punktet: "Vis". Det gjekk flott. Jan Inge var ein god figurant som fekk Ekko i leik. Deretter gjekk eg over til å dele opp elementet der han skal kome frå figurant, inn og ut igjen. Her har han rota ein del. No sette eg han eit par meter frå meg, kalla han inn, fekk han i utgangsstilling for så å sende han ut til figurant for premiering. Alt med lausbitt i munnen. Det gjekk strålande. Prøvde eit par til med lenger avstand og den siste heilt ved figuranten. Då kalla eg òg inn. Det må eg ikkje gjere. Så neste runde er å få han til å forstå at han skal inn til meg utan lyd.

Pia hadde òg meldetrening. Ho starta med å trene på hold fast. Som de ser - ikkje noko problem.
Maja skulle trene på sporoppsøk. Det var spennande. Ho fann spora mine kvar gong.



Før vi gjekk heim, fekk hundane bade. Det var deilig syns Ekko. Resten av dagen har vi småsove på terrassen begge to. Avslappande og godt etter hardt arbeid :-).