Planen min var at Ekko skulle arbeide med farten sin. Meldetrening har vi hatt fokus på ei stund så denne gongen var det kun fart og leik. Altså god, gamal (og det kjekkaste Ekko veit) flying. Tenkte figurantane og trengte litt trim. Vi nærmar oss, trass alt, bikinisesongen.....
Ekko var først hund ut. Lise og Gry hadde gøymt seg i skogen med leike og godbitar. Full fart ut på 1.slag. Han likar så godt å leike for tida at det blir lite pause når han har gjort funn. Fin kryssing over til til 2.slag. I går var det veldig tydeleg at han oppsøker meg og krysser midtlina ved sida av meg. Kjempebra!
Etterkvart hang tunga langt ute. Tempoet blei senka. Då var det å kjøre på med ulik påverknad. Svært effektivt med ein figurant som brått lagar lyd og spring innover i skogen. Då blei det girskifte på Ekko. Opp fjellsida i fullt firsprang. Og fullfart ned igjen og over på andre sida der det òg var noko som rørte på seg i terrenget.
Skikkeleg sliten hund på slutten. Han stakk til elva for å drikke litt på ein av dei siste postane før han kom springane tilbake for å fortsette jobben. Tenkte litt på at eg burde hatt med meg vatn (det er tørt i skogen), men samstundes ser eg at hundane kan springe langt utan vatn når det er noko dei vil.. Men neste gong stiller eg vel med vatn for han blei tørst. Skikkeleg tørst.
På veg til bilen gjekk beina omtrent i kryss for han.
Etter litt kvile var det trening i pausen. Alle tre hundane var ute. Skulle ligge ved sida av stolane våre og trene på å vere der utan å bry seg om andre. Det var enkelt, syntes Ekko. Men matmor kunne jo trenast litt. Sjå meg. Sjå meg. Var målet han hadde for økta. Så for såvidt nådde vi målet begge to.
Andre økte var lik første. Det var leik på alle funn, unntatt siste. Då var han stuptrøytt.
Etter treninga gjekk vi ein tur med Gry &Silja. Det var tydeleg at dei var trøytte for dei gjekk å snofla ved beina våre. Ikkje mange sprell ut i skogen på dei to. Silja prøvde å få litt liv i leiren ved å ri Ekko, men det fekk ho roleg og tydeleg melding frå bajasen om at det kunne ho bare gløyme. Trur ho er den første som har prøvd seg på slikt på Ekko. Jaja, såg det ut som ho tenkte, og så vandra dei vidare.
Resten av dagen hadde eg ein hund som stort sett såg slik ut:
3 kommentarer:
Trim, bikiniseseong... er det eit hint Aud Venke? Oss figurantar burde vere fornærma...
Silja, the one and only.... Om det gjentar seg blir eg forundra.
Veldig kjekk dag i skogen og ja det blei god trim -kjenner det godt i skuldra i dag;)
Gry
Hehe. Bikinisesong kan vere frustrerande for både den eine og den andre. Då er det jo godt å vere førebudd :)
Syns begge tok forsøket til Silja galant. Ho tøff nok til å prøve og han gav tydeleg melding om kom ikkje her. Så brydde dei seg ikkje meir nokon av dei.
Gjekk jo veldig fint. Trudde ho hadde meir respekt for Ekko enn som så. Men dei var jo like glad begge rett etter. Flott.
Gry
Legg inn en kommentar