Eg fekk nokre tips...

I går gjekk vi turen vår rundt Mosvatnet. Det er triveleg å sjå koss Pia, Era og Ekko syns det er kjekt å gå saman. Dei går stort sett fint, prøver å invitere den andre til leik innimellom (at Ekko og Pia har ein fiks idè om at grus betyr at dei skal leike, visste vi, men at eit dekke av visne blad betyr det same, kom overraskande på matmødrene ;-)). Undervegs på turen møtte vi heile a-laget til Viking joggande, mange barnevogner, syklistar, gåande, andre hundar, ender osv. Til og med ein som gjekk tur med sin hund og syns vi var så tåpelege som dreiv på med kindereggøvinga vår at han måtte seie: "tåpeleg, tåpeleg, tåpeleg" halvhøgt heile tida medan han gjekk forbi. Lurer på om han heller ville at Ekko skulle gjere utfall? Ja, ja, hundane får habituert seg på det meste.
Nå har vi hundar som faktisk går finare og finare i band saman, så nå er det kanskje på tide å sjå om vi greier å minke ned på godbitane, dvs auke krava til hunden?

Om kvelden var det trening. Endeleg var Marit og Jan Inge tilbake. Eg var jo så spent på korleis kurset med Thomas Stokke frå Klickerklok hadde vore. Reknar med at Marit skriv mykje om det i bloggen sin. Ingeborg hadde òg vore der og Sander var blitt ein reser på burleiken. Gler meg til det er vår tur med inspirerande kurshelg. Og no er det ikkje lenge igjen til 15-16. november!
Nokre tips fekk eg med meg i går. Til dømes korleis få hunden til ikkje å gå for langt framfor meg under lineføring/ fri ved foten. Og så blei eg påminna nokre slurvefeil eg gjorde rundt mottak av apporten. Godt med sånne.
Tipset om lineføring var å gå framover og klikke og kaste godbit bak hunden straks han var komen akkurat så langt fram som eg ville ha han. Akkurat medan eg trente på det, trengte eg ikkje vere oppteken av om han gjekk beint, tett inntil osv. Ekko syntes det var gøy.

Kva gjer eg når hunden tøyser og tuller i staden for å trene? Den trengte eg påminning om igjen. Eg har jo som mål at det er eg som bestemmer om det er jobb eller ei, men eg ser at eg har slurva ein del og latt han tøyse for lenge før eg tar han inn. Jamfør feltsøket på fredag.

Burleiken grublar eg litt over. Buret eg bruker i bilen er litt lite og vi skal ikkje bruke tøybur.

Til slutt vil eg tipse om ein blogg som hadde interessant stoff om spor denne gongen, sjekk Redningshunden ISI. Eg tenkjer på det gode sporet Ekko gjekk på fredag, det var gamalt. Dei ferske spora rotar ein mykje meir med (ferten er på større område).

Nå går det mot slutten på instruktørkurset.

Nå er siste helg med instruktørkurs ferdig og neste samling er eksamen. Og eksamen er både teori og praksis. Eg reknar med at Ekko gjer sin del av jobben, så er det bare opp til meg når vi skal vise at vi kan litt kvardagslydnad. Vi skal trekke blant fleire øvingar så vi veit ikkje ka vi kjem opp i. Ganske spennande. Teorien hjelper vel hunden meg ikkje med. Men det hjelper jo om han legg hovudet i fanget mitt medan eg les. Livet er jo ekstra koseleg då.

Læring er jo i sterkt fokus under kurset. Kvifor vel Siddis hundeskole den læringsmodellen, 100% positiv trening? Eg trur ikkje mange er så gjennomførte som dei når det gjeld å fokusere positivt. Den boka eg har sitert frå i det siste, "Kontakt -samspill mellom deg og hunden din" greier ikkje å gjennomføre dette heilt. Der står det mykje bra, men ho bruker positiv straff òg. Skal skrive meir om det ein annan gong. Eg er imponert over kor gjennomtenkt Arne er i dette.

Medan eg sit og skriv, ser eg på reprise av TV-vest sitt program "Sidesprang". Dei intervjuer trenaren til kvinnelandslaget i fotball. Sitat etter hukommelsen: " Det er stor forskjell i å trene kvinner og menn. Menn kan ein kjefte og skjelle ut og på mange går det inn det eine øyra og ut det andre. Kvinnene vil ha kritikk som bygg på fakta og det må vere ispedd ros"..... Ja, ja, det er i alle fall godt at han har funne ut at ros må til for å få kvinner til å funke. Hunden min vil nok funka betre med Marit Breivik (trenar for kvinnelandslaget i håndball gjennom mange år) som trenar enn Bjarne Berntsen er eg redd.... Ikkje rart mannlege fotballspelarar må ha høg løn. Dei skal yte sjøl om dei bare får høyre at dei ikkje duger ;-)

I kveld har vi vore ute og kjent på den klare, fine lufta. Gjekk til gravlunden. Her var det mange som hadde tenkt på at det var helgemessesundag så det var lys overalt. Nydeleg! Kanskje det er plusset med alt styret om Halloween - at folk blir merksam på at dette er sundagen der våre døde blir minna?

Litt hopp og sprett i denne bloggen, men dette var det som hovudet var fullt av i kveld.

Var det avspasering i dag?

Ny kald, men vakker solskinsdag. Vi trente litt rydding på morgonkvisten i dag. Då vi kom til klubbområdet, slapp eghan ut og han fekk springe etter ei leike eg kasta ut. Dette var veldig kjekt og han ville ikkje inn med den.

Då det blei vår tur til å trene på feltsøk, hadde eg fått Torhild til å filme oss. Vi har jo vore så flinke og eg ville jo ha det bevist. Men det skulle vi bli to om. Heilt frå Ekko kom ut av bilen, beit han i bandet og ville leike. Og feltsøket blei bare rot. Han sprang ut og henta den første fint, men bytta gjenstand før han kom inn. Neste gjenstand ville han bare springe rundt og leike med.

I økt to la vi bare ut to gjenstandar og dei blei lagt nære. Eg prøvde å trene litt fokus på han. trudde han var klar, sendte han ut. Men ein ny runde med bare tøys og tull. Tok han med meg bort frå feltet og trente litt avlevering av apport. Fungerte bare sånn passe. Han ville heller grave i jorda og spise røter.

Etter pausen skulle vi kjøre gjennom agilityløypa. Han sprang rundt seg sjølv, ville på eit vis gjere det eg ville, men greidde ikkje konsentrere seg, måtte bare gjere alt fort. Siste runde tok eg tak i halsbandet då han skulle gå over bjelken. Det roa han. No gjekk han fint med meg til neste post (utan at eg holdt i han) og gjennomførte sånn passe greit.

Eg slit med å få til hoppa. Han hopper på skrått mot meg. Trur han ventar premie (sjå bileta). Dermed kjem ham skeivt ut til neste hopp.

På bjelken ville eg ha han til å snu seg. Og jammen fulgte han target på fingeren. Litt konsentrasjon var detlangt der inne.

Før treninga begynte i dag, hadde eg lagt ut eit spor med pølsebitar ( mellom kvart 3 og 7 fotspor). Det gjekk på kryss og tvers og var på moseliknande botn. Det fekk ligge i 4 timar før vi gjekk det. Etter alt tullet med feltet, blei det litt lått og løye med om det var nokon som skulle gå bak meg i sporet og sjå og høyre på når sporet blei like vilt som dagen. Men dette var noko anna. Han gjekk sakte, tok seg tid til å spise pølsebitane, fulgte spora mina veldig bra. Kom seg fort innpå når han gjekk litt feil, og eg gjekk mållaus bak. Dette var faktisk eit av dei beste spora han har gått. Eg måtte bare holde han igjen ein gong. Resten av tida gjekk i roleg og lett tempo for meg. Kjempebra og ein god avslutning.

Skal eg oppsummere litt så er det at eg nok kan trene endå meir på avlevering og finne mindre gjenstandar. Kanskje han heller ikkje skal få starte dagen med å leike på området. Og eg som er så utskjemt med at han koblar seg fort på, bør nok vere meir vaken for at eg av og til må trene lengre økter med kontakt før eg startar.

Maja i hinderløypa

Ekko i svevet. Litt låge hinder? Eller er det bare fryden over å kunne hoppe høgt?

Til slutt ein filmsnutt med Maja i feltet.

Vakre Ekko

I det siste har det vore mest bilete av andre hundar. Det er jo urettferdig mot vakre Ekko. Så her er han i solskinnet 30. oktober.

I profil

Hund med oversikt over gata

Eg har hatt damebesøk

I går ettermiddag trudde eg at vi skulle ut på tur då matmor tok på seg turkleda, lurte meg inn i bilen og kjørte avgarde. Men det blei ingen tur. Ho kjørt heim til Faya og så fekk Faya sitje i framsetet då vi kjørte vidare. Det får aldri eg.
Endeleg stoppa ho ein plass der eg var kjent, nemlig på treningsplassen vår på Sola. Då fekk vi kome ut og gå tur i band begge to.
Eg trente litt på å hente lausbittet, men etter nokre økter gadd ikkje matmor meir. Trur ho syns det var for surt vèr. Trudde ikkje ho var slik ei pyse. Ikkje det, verken Sander eller eg likte å leike med dei våte leikene vi fekk som premie, når vi hadde gjort det bra.

Eg tenkte at no kjører vi Faya heim, men så parkerte vi ved ein skog. Jippi. Vi sprang og kosa oss. Faya ville springe saman med meg og det var SÅ kjekt.

Og veit de ka - Faya blei med meg heim! Eg syns det var litt rart at ho skulle snuse i alle mine ting, men bare ho ikkje tar matmor frå meg så kan eg gå med på ein del. Ho blei litt sint på meg av og til, og eg forlangte at ho fekk sove ein annan stad enn meg i natt. Ingen har lov til å sove i sakkosekken på soverommet -bare eg. Eg trur ho sov i sofaen. Ingen dum plass det heller.

I dag var Faya og matmor ute på terrassen og styrte med planter og møblar. Eg blei litt sur. Matmor skal sjå på meg, ikkje Faya. Veit de ka eg gjorde? Eg sprang ut på kjøkkenet og bjeffa. He, he. Då kom ho sjølvsagt, for matmor liker ikkje lyd. Gjorde det nokre gonger, men så verka det ikkje lenger. Eg fann den flotte pipeballen. Hadde tenkt å få Faya til å springe etter meg. Men ho såg bare stygt på meg. Trur ho ville ha den ho òg. Så prøvde eg å få matmor til å leike med ballen. Då fann matmor ein pipeting til og så kasta ho til oss begge. Det var ganske kjekt.

Brått ringte det på døra. Eg holdt på å gå heilt bananas. Enno fleire?! Det var Elisabeth og Victoria som kom. Eg trudde eg skulle rundkyssa Elisabeth. Så kjekt at dei kom.

Nå har dei reist, og eg må legge meg og sove litt. Det er ganske slitsomt å ha besøk. Tipper Faya syns det var godt å kome heim. Men eg håper ho kjem til meg ein annan gong òg. Og så håper eg Victoria ikkje er sjuk veldig lenge.

Gjesp frå Ekko