lørdag 19. april 2008

Ho trør på meg!

Matmor har begynt på instruktørkurs. Er visst alvorlege greier for ho skal ta eksamen og all slags. Men det er noko feil her ein plass. Eg burde vere med på teorien for eg er ikkje heilt trygg på ka ho lærer. Bare høyr her:

Dei tobeinte sit inne på eit rom medan vi firbeinte må ligge i varme bilar ( og det ein dag som det er sol!). Så kjem dei ut. Endeleg tenkte eg. Nå blir det vel litt læring her. Nei, eg skulle bare sjå på henne, så klikka ho og eg fekk noko godt. Ja, ja. Er det på barnehagenivået utdanninga er? Inn i bilen igjen.

Etter ei stund kom dei ut igjen. No skulle det visst lærast meir. Eg blir plassert inntil ein balansebjelke. Versegod gå bakover. Eg gjekk som ein gud, tok til og med ein vinkel. Var det noko meir ho ville? Jo, ho dreiv og forvirra meg med kor langt ho skulle, ka ho ville osv. Eg blei litt stressa av det. Så presterer ho å trø på meg TO gonger!! Ka slags kurs er dette? Arne, eg trudde du dreiv med positiv trening?! Etter ein halv dag på instruktørkurs skjer dette. Eg er framleis i sjokk, trur eg. Dei prøvde å glatte over, men eg er ikkje trygg og vil i alle fall ikkje rygge nær matmor på ei stund.

I den tredje økta hadde ho heldigvis teke fram ein dummy slik at vi kunne ha litt apport-trening. Kjekkare det. I den eine handa var det godbitar, den andre skulle eg levere dummyen når ho sa takk. Likte den. På slutten trente vi på at eg skulle sjå på henne. Barnehagen igjen, trudde eg, men no begynte ho å vifte litt med armane og klikka bare viss eg ikkje brydde meg om det. Litt vanskeleg i starten, men godbitar kan eg alltid jobbe for.

Då heile greia var slutt, gjekk Faya og eg ein liten tur med matmødrene våre. Endeleg kunne vi strekke på beina og kose oss litt.

Det er visst ny kursdag i morgon. Lurer på ka dei finn på då? Ikkje meir skading av hundar får eg håpe for då nektar eg å bli med.



2 kommentarer:

Anonym sa...

Ja du kan så sannelig spør Ekko. Dei tror vist me e dumme i håve så et brø. I dag sko me jo trena på sitt. Noe så møkka kjedelig. Eg vil heller trene på noe med futt i. Håpa det at me får litt bedre utfordringer neste gong. For detta e meg og deg for goe te Ekko.

Faya

Anonym sa...

Til Faya og Ekko
Ja,stor tru har dokke i alle fall begge to! Dokerk får sjå det sånt at det e osse tobeinte som trenge trening